Mark 6:53-56
53Кечеле, Геннисарет јерине келип, јаратка токтодылар. 54Олор кемедеҥ чыгарда, бу тарый улус Иисусты танып, 55ончо јака јерлерди эбире јӱгӱрип, оору улусты тӧжӧктӧргӧ салала, Ол јӱрӱ деп угулган јерге экелип баштады. 56Ол кайда ла келгенде – јурт болзын, кала болзын, турлу болзын, јоболдуларды тепсеҥдерге экелип салала, олор Оныҥ эдегине де болзо тийзин деп, сурап турдылар. Ого тийген улус јазылып турган.
Copyright information for
AltIBT2017