Mat 4:18-22 | AltIBT2017 | STEP | Галилейдиҥ талайын јакалай барадып, Иисус эки карындашты кӧрӱп ийди: Петр дейтен Симонды ла оныҥ Андрей карындажын. Олор балыкчылар болгон учун талайда шӱӱндеп турган.

‏ Matthew 4:18-22

Баштапкы ӱренчиктер

(Мк. 1:16-20; Лк. 5:1-11)

18 Галилейдиҥ талайын јакалай барадып, Иисус эки карындашты кӧрӱп ийди: Петр дейтен Симонды ла оныҥ Андрей карындажын. Олор балыкчылар болгон учун талайда шӱӱндеп турган.

19 – Мени ээчий барыгар – деп, Иисус олорго айтты. – Слерди улус тудаачы эдип салайын.

20 Олор бу тарый шӱӱнин артырып койоло, Оныҥ кийнинеҥ бастылар. 21 Оноҥ ары барып, база эки карындашты: Зеведей уулы Иаковты ла оныҥ Иоанн карындажын кӧрӱп ийди. Олор Зеведей адазыла кожо кемеде шӱӱнин јамап отурган. Олорды кычырды. 22 Олор бу ла тарый, кемезин ле адазын артырып койоло, Оныла кожо бастылар.