Joh 11:45-53 | AltIBT2017 | STEP | Марияга келген кӧп иудейлер Иисустыҥ эткенин кӧрӧлӧ, Ого бӱттилер.

‏ John 11:45-53

45 Марияга келген кӧп иудейлер Иисустыҥ эткенин кӧрӧлӧ, Ого бӱттилер. 46 Кезиги дезе, фарисейлерге барып, Оныҥ эткенин айдып бердилер.

Иисусты ӧлтӱрерге ченешкени

47 Улу абыстар ла фарисейлер оток-кӱреени јууп, айттылар:

– Бис канайдалы? Бу кижи кӧп билдилер јайап јат. 48 Ого јай берзебис, ончозы Ого бӱдер. Римниҥ улузы келип, јерибисти де, калыгысты да бактырып алар.

49 Олордыҥ бирӱзи, ол јылда улу абыс болгон Каиафа деп кижи, олорго айтты:

– Слер эш-неме билбей јадыгар. 50 Бӱткӱл калык божогончо, калык учун бир кижи ӧлзӧ, слерге артык болорын оҥдобой јадыгар ба?

51 Мыны ол бойынаҥ айткан эмес, је ол јылда улу абыс болгон бойы, Иисустыҥ эл учун ӧлӧтӧнин озолондыра айдып койгон. 52 Јаҥыс та эл учун эмес, је Кудайдыҥ чачылып калган балдарын бир јерге јууп алары учун ӧлӧтӧнин.

53 Ол кӱннеҥ ала Оны ӧлтӱрер деп, јӧптӧжип алдылар.