Luke 6:6-11
6База бир суббот кӱнде Ол синагогага кирип, улус ӱретти. Анда оҥ колы кургап калган кижи болгон. 7Бичикчилер ле фарисейлер Иисусты бурулаар шылтак бедиреп, оны суббот кӱнде јаскай не деп, ајыктап турдылар. 8Је Иисус олордыҥ сагыжын билип, кургап калган колду кижиге айтты: – Ӧрӧ туруп, улустыҥ ортозына чык. Ол кижи туруп, ичкери ӧтти. 9Иисус олорго айтты: – Мен слердеҥ сурап угайын: суббот кӱнде нени эдер керек? Јакшыны ба, эмезе јаманды ба? Кижиниҥ јӱрӱмин аргадаар ба, эмезе кыйар ба? Олор унчукпай турдылар. 10Олорды ончозын ајыктап, байагы кижиге: – Колыҥды сун – деди. Ол сунды, колы су-кадык боло берди. 11Бичикчилер ле фарисейлер калјуурып, Иисусты канайдалы деп, шӱӱшкилеп турдылар.
Copyright information for
AltIBT2017