Luke 8:22-25
Јотконды сыныктырганы
(Мф. 8:23-27; Мк. 4:35-41)
22Бир кӱн Иисус ӱренчиктериле кожо кемеге отурып, «Кӧлдиҥ ол јанына кечели» – деди. Олор јӱзӱп ийдилер. 23Јӱскилеп барадарда, Ол уйуктап калды. Кенетийин кӧлгӧ јоткон тӱшти, кемеге суу кирип, олор јеткерде болдылар. 24Базып келип, Оны ойгозып, айттылар: – Ӱредӱчи! Ӱредӱчи! Чӧҥӱп барадырыс! Ол ӧрӧ туруп, салкынга ла толкуга јакарып ийерде, олор токтоп, тымый берди. 25– Слердиҥ бӱдӱп турганыгар кайда? – деп, Ол ӱренчиктеринеҥ сурады. Коркып, кайкап калган ӱренчиктер бой-бойына айдып турдылар: – Салкынга да, сууга да јакарганда, олор Ого уккур болуп турганда, бу кем болотон?
Copyright information for
AltIBT2017