Mark 12:13-17
Калан керегинде сурак
(Мф. 22:15-22; Лк. 20:20-26)
13Иисустыҥ сӧзинеҥ јик табарга, Ого кезик фарисейлерди ле Иродтыҥ улузын ийдилер. 14Олор келип, Ого айттылар: – Ӱредӱчи! Сениҥ чындыгыҥды, кижиге јакшы адым чыксын дебезиҥди билип јадыбыс. Улусты ылгабай, Кудайдыҥ јолына чын ӱредип јадыҥ. Айдарда, айт: Рим каганына калан тӧлӧӧргӧ јараар ба, эмезе јок по? Бис тӧлӧӧрис пе, эмезе тӧлӧбӧзис пе? 15Иисус дезе, олордыҥ эки јӱстӱзин билип, айтты: – Мени не ченеп туругар? Меге кӧрӧргӧ, динарий экелигер. 16Олор экелдилер. – Бу кемниҥ сӱри ле ады? – деп сурады. Олор: – Кагандыйы – дедилер. 17Айдарда, Иисус айтты: – Кагандыйын каганга беригер, Кудайдыйын дезе, Кудайга. Оныҥ берген каруузын кайкадылар.
Copyright information for
AltIBT2017