Mar 12:28-34 | AltIBT2017 | STEP | Бичикчилердиҥ бирӱзи олордыҥ сӧс блаашканын угуп, Иисус олорго карууны јакшы бергенин кӧрӧлӧ, базып келип, Оноҥ сурады: – Ончо јакылталардыҥ баштапкызы кандый јакылта?

‏ Mark 12:28-34

Эҥ јаан јакылта

(Мф. 22:34-40; Лк. 10:25-28)

28 Бичикчилердиҥ бирӱзи олордыҥ сӧс блаашканын угуп, Иисус олорго карууны јакшы бергенин кӧрӧлӧ, базып келип, Оноҥ сурады:

– Ончо јакылталардыҥ баштапкызы кандый јакылта?

29 Иисус каруу јандырды:

– Баштапкызы бу: «Ук, Израиль! Кудайыбыс Кайракан – јаҥыс Бойы Кайракан. 30 Кайраканыҥды, бойыҥныҥ Кудайыҥды, бастыра јӱрегиҥле, бастыра јулаҥла, бастыра санааҥла, бастыра кӱчиҥле сӱӱп јӱр» – бат баштапкы јакылта. 31 Экинчизи андый ок: «Бойыҥды сӱӱгеҥдий, јуугыҥды сӱӱп јӱр». Булардаҥ јаан ӧскӧ јакылта јок.

32 Бичикчи: «Јакшы, Ӱредӱчи! – деди. – Кудай јаҥыс, ӧскӧ Кудай јок дегениҥ, чын. 33 Оны бастыра јӱрекле, бастыра санаала, бастыра кӱчле сӱӱри, бойын сӱӱгендий, јуугын сӱӱри кандый да кӧдӱргидеҥ, кандый да берӱдеҥ улу-јаан».

34 Оныҥ керсӱзин каруу бергенинеҥ кӧрӱп, Иисус ого айтты:

– Сен Кудайдыҥ Каандыгынаҥ ыраак эмезиҥ.

Мыныҥ кийнинде Ого сурак берерге бир де кижи тидинбеди.