Mar 14:32-42 | AltIBT2017 | STEP | Гефсимания дейтен јерге келдилер. Иисус ӱренчиктерине айтты:

‏ Mark 14:32-42

Гефсиманияда Иисустыҥ мӱргӱзи

(Мф. 26:36-46; Лк. 22:39-46)

32 Гефсимания дейтен јерге келдилер. Иисус ӱренчиктерине айтты:

– Мен мӱргигенчем, мында отурыгар.

33 Бойыла кожо Петрды, Иаков ло Иоаннды алганча барып, ачурканып, карыга берди.

34 – Ӧзӧк-тыныма ӧлӱмниҥ ачузы тӱшти – деди. – Мында болуп, ойгу болыгар.

35 Эмеш кедери барала, кӧҥкӧрӧ тӱжӱп, бу ӧй Менеҥ кыйышкадый болзо, кыйышсын деп мӱргип, 36 айтты:

– Авва, Ада! Сениҥ этпезиҥ јок. Бу кыйын-шыраны Менеҥ кыйыштыр, је Мениҥ кӱӱнимле болбозын, Сенийиле болзын.

37 Бурылып, олордыҥ уйуктап јаткандарын кӧрди, Петрга айтты:

– Симон, сен уйуктап јадыҥ ба? Бир де саат ойгу отурып албадыҥ ба? 38 Сергек болыгар, ченелтеге тӱшпеске, мӱргигер. Тын сергек, эт-канда дезе чине јок.

39 Катап барала, байагы ок сӧзин айдып мӱргиди. 40 Бурылып, олордыҥ база ла уйуктап јаткандарын кӧрди: олордыҥ кӧстӧри јумулып турган; олор Ого каруузына нени айдарын билбей турдылар.

41 Ӱчинчизин келип, олорго айтты:

– Эмдиге јетире уйуктап амыраганчаар ба? Је эмди ӧй келди! Бат, Кижи Уулы кинчектӱлердиҥ колына берилип јадыры. 42 Туругар, баралы! Бат, Мени садып јатканы јууктап келди.