Mat 16:13-19 | AltIBT2017 | STEP | Филипп Кесариязы дейтен јерге келеле, Иисус ӱренчиктеринеҥ сурады:

‏ Matthew 16:13-19

Иисус кем?

(Мк. 8:27-30; Лк. 9:18-21)

13 Филипп Кесариязы дейтен јерге келеле, Иисус ӱренчиктеринеҥ сурады:

– Мени, Кижи Уулын, улус кем деп бодойт?

14 Олор айдышты:

– Кажызы Сени Крестеечи Иоанн дежет, кажызы Илия, ӧскӧлӧри дезе Иеремия эмезе јарлыкчылардыҥ бирӱзи дежет.

15 Иисус олорго айтты:

– Слер Мени кем дейдигер?

16 – Сен – Христос, тирӱ Кудайдыҥ Уулы – деп, Симон-Петр каруу јандырды.

17 Иисус ого айтты:

– Сен кежиктӱ кижи, Иона уулы Симон, нениҥ учун дезе оны сеге кижи эмес, теҥериде јӱрген Адам ачкан. 18 Оныҥ учун айдып турум сеге: сен – Петр ^{▼▼ Петр – гректеп «таш».}, бу таштыҥ ӱстине Серкпемди тударым, оны ӧлӱм эркитеп болбос. 19 Сеге Теҥери Каандыгыныҥ тӱлкӱӱрин берерим: јерде буулаганыҥ – теҥериде буулалар, јерде чечкениҥ – теҥериде чечилер.