Hebrews 5
1Щивав бищунго кӏудияв кашиш гӏадамазда гьоркьоса вищула, Аллагьасда цеве гьезул вакиллъун вукӏине, гьезул мунагьал чуриялъе къурбаналги сайигъаталги гьаризе. 2Инсан вугелъул, гьесулъ загӏиплъи камуларо, гьесда ричӏчӏула жагьилалги къосун ккаралги. 3Гьединлъидал гьесда тӏадаб буго халкъалъул мунагьазе гӏоло гуребги, жиндирго мунагьазе гӏологи къурбан гьабизе. 4Живго лъикӏав лъугьун бищунго кӏудияв кашишлъун вахъунаро щивниги, – Гьарун гӏадин, Аллагьас тӏаса вищарав чи гурони. 5Гьединго живго лъикӏав лъугьун гуро Масихӏги бищунго кӏудияв кашишлъун вахъун машгьурлъарав. «Мун дир Вас вуго. Жакъа дун дур Эменлъун лъугьана», – ян гьесда абурав Аллагьасин гьев тарав. 6Цогидаб бакӏалда гьес абулеб буго: «Мун вуго абадул-абадиялъего кашиш, Мелкицедекги кашишлъун вукӏарав гӏадин». 7Гьаб ракьалда гӏумру гьабун вукӏараб мехалда, Гӏисаца дугӏаби гьаруна ва гьев гӏек-гӏекун гӏодана жив хвалдаса хвасар гьавизе кӏолев Аллагьасда цеве чӏун. Аллагьасе мутӏигӏав вукӏиндал, гьесул дугӏа къабул гьабуна. 8Аллагьасул Вас вукӏаниги, гӏазаб-гӏакъуба хӏехьон, мутӏигӏлъизе ругьунлъана гьев. 9Камиллъараб мехалда гьев лъугьана жиндихъ гӏенеккаразе насиблъулеб абадияб хвасарлъиялъул иццлъун. 10Аллагьас гьев тӏамуна бищунго кӏудияв кашишлъун, Мелкицедекги кашишлъун вукӏарав гӏадин.Божи-иманалдаса ратӏалъарал чагӏи тавбуялде рачине кӏоларо
11Гьелъул хӏакъалъулъ бицине жо гӏемер буго нижер, амма бичӏчӏизабизе захӏмалъила, бичӏчӏизе нуж хӏинцал ругелъул. 12Гьанжени нужго рукӏине кколаан мугӏалимзабилъун, амма, цебего гӏадин, нужее къваригӏунев вуго Аллагьасул рагӏиялъул аслу-кьучӏ цӏидасан бичӏчӏизабулев чи. Къвакӏараб квен кваназе кӏолеб гьечӏо нужеда, рахьги гьекъон чӏолел руго. 13Рахь гьекъон чӏолев чи лъимералда релълъуна, битӏарабги тӏекъабги батӏа гьабизе лъаларо гьесда. 14Къвакӏараб квен данде ккола балугълъи-камиллъи щваразе, бихьун-лъан лъикӏабги квешабги батӏа бахъизе кӏолезе.
Copyright information for
AvaIBTNT