Mat 20:29-34 | BakIBT2023 | STEP | Ғайса шәкерттәре менән Йерихо ҡалаһынан киткәндә, Уның артынан күмәк халыҡ эйәрҙе.

‏ Matthew 20:29-34

Ике һуҡырҙы һауыҡтырыу

(Мрк 10:46-52; Лк 18:35-43)

29 Ғайса шәкерттәре менән Йерихо ҡалаһынан киткәндә, Уның артынан күмәк халыҡ эйәрҙе. 30 Юл ситендә ике һуҡыр ултыра ине. Улар Ғайсаның үтеп барғанын ишетеп:

– Әфәндем, Дауыт Улы, беҙҙе йәллә инде! – тип ҡысҡырҙылар.

31 Халыҡ, уларҙы әрләп, тыйырға тырышты, әммә улар тағы ла көслөрәк итеп:

– Әфәндем, Дауыт Улы, беҙҙе йәллә инде! – тип ҡабатланы.

32 Ғайса туҡтап, уларҙы саҡырып алды ла:

– Һеҙҙең өсөн нимә эшләүемде теләйһегеҙ? – тип һораны.

33 – Әфәндем, күҙҙәребеҙ күрһен ине! – тине улар.

34 Ғайса, уларҙы йәлләп, күҙҙәренә ҡулы менән ҡағылды. Һуҡырҙар шунда уҡ күрә башланылар һәм Уға эйәреп киттеләр.