Mat 22:41-46 | BakIBT2023 | STEP | Бергә йыйылған фарисейҙарҙан Ғайса:

‏ Matthew 22:41-46

41 Бергә йыйылған фарисейҙарҙан Ғайса:

42 – Һеҙ Мәсих хаҡында нимә уйлайһығыҙ? Ул кемдең Улы? – тип һораны.

– Дауыт Улы, – тип яуап бирҙе улар.

43 – Ә нисек Дауыт, Изге Рух тәьҫире аҫтында булып, Мәсихте Хакимым тип атай ала? – тип һораны Ғайса. – Ул бит әйтә:

44 ^a«Раббы минең Хакимыма:
„Мин дошмандарыңды
аяҡтарың аҫтына һалғанға тиклем,
уң яғымда ултыр“, – тигән».

45 Әгәр Дауыт Уны Хакимым тип атай икән, нисек инде Мәсих Дауыттың Улы була ала?

46 Бер кем дә Уға яуап ҡайтара алманы. Шул көндән алып берәү ҙә Ғайсаға һорау бирергә баҙнат итмәне.