Psa 126 | BakIBT2023 | STEP | Ҡорамға артылыусылар йыры. Сөләймәндең йыры. Әгәр йортто Раббы һалдырмаһа, Төҙөүселәр юҡҡа тырыша. Әгәр ҡаланы Раббы һаҡламаһа, Һаҡсының уяу тороуы бушҡа.

‏ Psalms 126

1 Ҡорамға артылыусылар йыры. Сөләймәндең йыры.
Әгәр йортто Раббы һалдырмаһа,
Төҙөүселәр юҡҡа тырыша.
Әгәр ҡаланы Раббы һаҡламаһа,
Һаҡсының уяу тороуы бушҡа.
2 Юҡҡа ғына ҡара таңдан тороп
Ҡара төнгә тиклем эшләйһегеҙ.
Аҙап менән тапҡан икмәгегеҙҙе ашайһығыҙ –
Раббы Үҙе яратҡанға йоҡлап ятҡанда ла бирә.

3 Бына Раббының биргән өлөшө – балалар,
Аналыҡтың емеше – Уның бүләге.
4 Йәш саҡта тыуған уландар
Яугир ҡулындағы уҡтар һымаҡ.
5 Ниндәй бәхетле улар менән һаҙағын тултырған кеше!
Ҡала ҡапҡаһы төбөндә дошман менән сәкәләшкән саҡта
Ул мәсхәрә булып ҡалмаясаҡ.