Psa 4 | BakIBT2023 | STEP | Йырсылар етәксеһенә: ҡыллы уйын ҡоралдары оҙатыуында. Дауыттың мәҙхиәһе.

‏ Psalms 4

1 Йырсылар етәксеһенә: ҡыллы уйын ҡоралдары оҙатыуында. Дауыттың мәҙхиәһе.
2 Саҡырған сағымда яуап ҡайтар, ғәҙел Аллам!
Тарлығымда иркенгә сығарҙың.
Әле лә бул мәрхәмәтле, доғама ҡолаҡ һал.

3 Эй әҙәм балалары, ҡасанға тиклем
Шөһрәтем булыр хурлыҡҡа дусар?
Ҡасанғаса юҡҡа-барға күңел биреп,
Сабырһығыҙ ялғандың артынан? Села
4 Белегеҙ, Раббы тоғро ҡолон Үҙенә айырып ала.
Ҡасан ғына саҡырһам да, Ул мине ишетә.

5 Ҡурҡып-тетрәнегеҙ, гонаһ ҡылмағыҙ,
Төндә ятҡанығыҙҙа уйланығыҙ, тынлыҡ һаҡлағыҙ. Села
6 Тейешенсә ҡорбандар салығыҙ,
Раббыға инанығыҙ.

7 «Кем беҙгә яҡшылыҡ эшләр?» – тигәндәр күп.
Йә Раббы, йөҙөңдөң нурын өҫтөбөҙгә сәс!
8 Уларҙың мул иген һәм яңы шарапҡа
Ҡыуаныуынан ҙурыраҡ
Һөйөнөс бирҙең минең йөрәккә.

9 Йән тыныслығында ятам да йоҡлайым,
Сөнки, Раббы, бары тик Һин генә
Именлектә мине йәшәтәһең!