Joe 2:28-32 | BakIBT2023 | STEP | Бынан һуң Мин барлыҡ кешеләргә Үҙемдең Рухымды яуҙырырмын. Улдарығыҙ, ҡыҙҙарығыҙ пәйғәмбәрлек итер, Ҡарттарығыҙ әүлиә төштәр күрер, Йәштәрегеҙгә илаһи күренмештәр иңер.

‏ Joel 2:28-32

Бөтәһе өҫтөнә Үҙемдең Рухымды яуҙырырмын

28 Бынан һуң Мин барлыҡ кешеләргә
Үҙемдең Рухымды яуҙырырмын.
Улдарығыҙ, ҡыҙҙарығыҙ пәйғәмбәрлек итер,
Ҡарттарығыҙ әүлиә төштәр күрер,
Йәштәрегеҙгә илаһи күренмештәр иңер.
29 Ул көндәрҙә Үҙ Рухымды хатта
Ир һәм ҡатын ҡолдарға ла яуҙырырмын.
30 Күктә һәм ер йөҙөндә хикмәтле билдәләр күрһәтермен:
Ҡан, ут һәм төтөн бағаналары күренер.
31 Раббының бөйөк һәм дәһшәтле көнө килерҙән алда
Ҡояш – ҡараңғылыҡҡа, ай ҡанға әйләнер!

32 Ул заманда Раббыны исеме менән саҡырғандар барыһы ла ҡотолор, сөнки, Раббы әйткәнсә, Сион тауында һәм Йәрүсәлимдә ҡотолоп иҫән ҡалыусылар һәм улар араһында Раббы Үҙе саҡырғандар булыр.