Luk 5:12-16 | BakIBT2023 | STEP | Ғайса бер ҡалала булған саҡта, Уның эргәһенә тотош тәнен махау баҫҡан бер кеше килде. Ғайсаны күргәс, алдына йығылып: – Әфәндем! Әгәр теләһәң, мине таҙарта алаһың бит,

‏ Luke 5:12-16

Махаулыны һауыҡтырыу

(Маҫ 8:2-4; Мрк 1:40-44)

12 Ғайса бер ҡалала булған саҡта, Уның эргәһенә тотош тәнен махау баҫҡан бер кеше килде. Ғайсаны күргәс, алдына йығылып:

– Әфәндем! Әгәр теләһәң, мине таҙарта алаһың бит, – тип ялбарҙы.

13 Ғайса ҡулын һуҙып уға ҡағылды:

– Эйе, теләйем, таҙарын!

Был кешенең махауы шунда уҡ юҡҡа сыҡты.

14 ^aҒайса был турала берәүгә лә һөйләмәҫкә ҡушты:

– Ҡаһинға барып күрен һәм һауығыуың өсөн, Муса ҡушҡанса, ҡорбан килтер. Был кешеләргә һауығыуыңды раҫлау билдәһе булыр.

15 Ғайса тураһындағы хәбәр тағы ла нығыраҡ таралды. Уны тыңлау һәм ауырыуҙарынан һауығыу өсөн янына бик күп кеше ағылды. 16 Ғайса иһә аулаҡ урындарға барып доға ҡылыр булды.