‏ 1 Chronicles 2

Яковай болон Иудын үри һадаһад Давид хүрэтэр

(Эх 35:22-26; Рүүт 4:18-22; Мт 1:3-6)

1Израилиин хүбүүд эдэ: Рэүбээн, Симеон, Левий, Иуда, Иссахаар ба Зэбүлүүн, 2Даан, Иосиф, Бэньямиин, Напталии, Гаад ба Ашээр.

Иудын үри һадаһад

3Иудын хүбүүд Ээр, Онаан болон Шэлаа Ханаһаан нютагай басаган Бат-Шууаһаа гараа. Иудын ууган хүбүүн Ээр нүгэл хилэнсэгтэй байгаа, Эзэн Бурхан тэрэниие үршөөнгүй наһа баруулаа. 4Иудын бэри Тамаар байгаа, Пээрэц, Зээрах хүбүүдые тэрээндэ түрэһэн юм. Иуда табан хүбүүтэй бэлэй.

5Пээрэцэй хүбүүд: Хэцроон ба Хамуул. 6Зээрахай хүбүүд: Зимрии, Этаан, Һэмаан, Халкоол, Дараа; бүхыдөө табан байгаа.

7Хармиигай хүбүүн Ахаар тангаригаа эбдэжэ, Израильда гай тодхор ушаруулһан юм. 8Азаарияа Этаанай хүбүүн.

9Хэцрооной хүбүүд Ерэхмээл, Раам, Хэлүбай гэгшэд һэн. 10Раамай хүбүүн Амминадааб болоно; Амминадаабай хүбүүн Нахшоон Иудын гарбалтанай тайжа байгаа; 11Нахшооной хүбүүн Сальмаа, Сальмаагай хүбүүн Бооһаз; 12Бооһазай хүбүүн Обээд, Обээдэй хүбүүн Ишай; 13Ишайн ууган хүбүүн Элиааб, хоёрдохинь Абинадааб, гурбадахинь Шимаа, 14дүрбэдэхинь Нэтанээл, табадахинь Раддай, 15зургаадахинь Ооцэм, долоодохинь Давид. 16Тэдэнэй эгэшэ, дүү: Цэруяа, Абигааһил. Цэруяагай хүбүүд: Абишай, Ёһааб, Асаһээл гурбан. 17Абигааһил Амасаае түрөө; Амасаагай эсэгэ ишмаһээл гарбалтай Етээр байһан.

18Хэцрооной хүбүүн Халээб Азубаа һамганһаа Ериһоот басагатай һэн. Тэрээнһээнь гараһан хүбүүд: Еэшэр, Шобааб ба Ардоон болоно. 19Азубаагай наһа барахада, Халээб Эпраатые һамган болгобо, тэрэнь Хуур гэжэ хүбүү түрэбэ. 20Хуур Үрии хүбүүтэй, Үрии Бэцалээл хүбүүтэй һэн.

21Хэцроон жара наһатай байхадаа Махиирай (Махиир бол Галаадай эсэгэ) басага һамган болгобо, тэрэнь Сэгүүб хүбүү түрэбэ. 22Сэгүүбэй хүбүүн Яһиир, тэрэ Галаадай газар дээрэ хорин гурбан өөрын хототой һэн. 23Зүгөөр Гэшүүрэй, Араамай зон Яһиирай тосхон һууринуудые, Кэнаат, бүхыдөө жаран хото эзэмдэбэ. Эдэ бүхы хотонууд Галаадай эсэгэ Махиирай үри һадаһадай байһан юм. 24Хэцрооной наһа бараһанай һүүлээр Халээб хүбүүниинь эсэгынгээ һамга Эпраатые өөрын һамган болгобо, тэрэнь Ашхуур хүбүү түрөө һэн. Ашхуур – Тэкооһагай эсэгэ.

25Хэцрооной ууган хүбүүн Ерэхмээлэй хүбүүд: ууган хүбүүн Раам, тэрэнэй удаа Бунаа, Һоорэн, Ооцэм, Ахияа. 26Ерэхмээл үшөө Атараа гэжэ һамгатай байгаа; тэрэ Онаамай эхэ болоно. 27Ерэхмээлэй ууган хүбүүн Раамай хүбүүд: Маац, Ямиин болон Ээкэр. 28Онаамай хүбүүд: Шаммай ба Ядаа. Шаммайн хүбүүд: Надааб ба Абишуур. 29Абишуурай һамган Абиһааил Ахбаан, Молиид гэжэ хүбүүдые түрэбэ. 30Надаабай хүбүүд: Сээлэд, Аппааим. Сээлэд үхибүүгүй наһа бараа. 31Аппааимай хүбүүн Ишии. Ишиигэй хүбүүн Шэшаан. Шэшаанай хүбүүн Ахлай. 32Шаммайн дүү Ядаагай хүбүүд: Етээр, Ёнатаан. Етээр үхибүүгүй наһа бараһан. 33Ёнатаанай хүбүүд: Пээлэт, Зазаа. Эдэ булта Ерэхмээлэй үринэр мүн.

34Шэшаан хүбүүгүй, харин басагадтай байгаа. Шэшаан Египедһээ уг гарбалтай Ярхаа гэжэ нэрэтэй зарамалтай байһан; 35Шэшаан басагадайнгаа нэгые Ярхаада һамга абуулба: тэрэнь Аттайе түрэбэ. 36Аттай Натаанай эсэгэ, Натаан Забаадай эсэгэ; 37Забаад Эплаалай эсэгэ, Эплаал Обээдэй эсэгэ; 38Обээд Еһүүгэй эсэгэ, Еһүү Азаарияагай эсэгэ; 39Азаарияа Хээлэцэй эсэгэ, Хээлэц Элэасаагай эсэгэ; 40Элэасаа Сисмайн эсэгэ, Сисмай Шаллуумай эсэгэ. 41Шаллуум Екаамиягай эсэгэ, Екаамия Элишамаагай эсэгэ.

42Ерэхмээлэй дүү Халээбэй үри хүүгэд: тэрэнэй ууган хүбүүн Мэшаа, Мэшаа Зиипэй эсэгэ. Хэброоной эсэгэ Марэшаагай үри һадаһад эдэ болоно. 43Хэброоной хүбүүд: Коорах, Таппууһаа, Рээкэм ба Шэмаа. 44Шэмаа Рахаамай эсэгэ, Рахаам Ёркэһаамай эсэгэ. Рээкэм Шаммайн эсэгэ. 45Шаммайн хүбүүн Маһоон, Маһоон Бэт-Цуурай эсэгэ. 46Халээбэй бага һамган Эпаа Һараан, Моцаа, Газээзые түрэбэ. Һараан Газээзэй эсэгэ. 47Яһдайн хүбүүд: Рээгэм, Ётаам, Гэшаан, Пээлэт, Эпаа ба Шааф. 48Халээбэй бага һамган Маһахаа Шээбэрые, Тирханаае түрэбэ; 49мүн тэрэ Мадманнаагай эсэгэ Шаафые, Махбэнаагай, Гибаагай эсэгэ Шэваае түрэбэ. Ахсаа Халээбэй басаган. 50Халээбэй үри һадаһад эдэл болоно.

Хуурай (Хуур Эпраатын ууган хүбүүн) хүбүүд: Кирьяат-Еариимые байгуулагша Шобаал; 51Бэтлэһээмые байгуулагша Сальмаа; Бэт-Гадээрые байгуулагша Харээп. 52Кирьяат-Еариимые байгуулагша Шобаалай хүбүүд: Һароһээ, Хации, Мэнүһоот. 53Кирьяат-Еариимэй уг зон: итридүүд, пүтиинүүд, шумаадууд, мишраинууд. Тэдээнһээ цораагайхин, эштаһоолууд гараа. 54Сальмаагай хүбүүд: Бэтлэһээм, Нэтопаадайхин, Атроот-Бэт-Ёһааб болон манаахадуудай хахадынь – цораагайхин. 55Ябээцтэ ажаһуудаг соприидуудай угай зон тираадууд, шимаадууд, сухаадууд. Эдэ хадаа Бэт-Рэхаабай эсэгэ Хаммаатһаа гараһан хээнүүд мүн.