‏ 1 Chronicles 24

Санаартанай уялганууд

1Аһарооной хүбүүдэй уялганууд. Аһарооной хүбүүд: Надааб, Абиһуу, Эльазаар, Итамаар. 2Надааб Абиһуу хоёр эсэгэһээ урид наһа бараһан юм, тэдэнэр хүбүүгүй байгаа; тиимэһээ Эльазаар Итамаар хоёр санаартанай уялгануудые дүүргээ. 3Давид тэдэнэй уялгануудые хубаарилаа – Эльазаарай хүбүүдһээ Цадоок, Итамаарай хүбүүдһээ Ахимээлэх ээлжээгээр албаяа ябуулаа. 4Эльазаарай хүбүүдэй үенүүд Итамаарайхиһаа олон байһан. Тэрэ иигээд элирүүлээ: Эльазаарай хүбүүдэй үенүүдэй дарганууд арбан зургаа, харин Итамаарайхи найман. 5Эльазаарай, Итамаарай хүбүүдһээ Бурханай урдахи нангин газарай ахалагшадые жээрэбэй гуримаар элирүүлдэг һэн. 6Хаанай, тайжануудай, санаартан Цадоогой, Абиатаарай хүбүүн Ахимээлэхэй, санаартадай бүлэнүүдэй гулбаануудай урда левидүүдһээ Нэтанээлэй хүбүүн Шэмаяа Эльазаарай бүлын үеһөө, Итамаарай бүлын үеһөө жээрэбэй ёһоор ахалагшыень тодоруулдаг һэн.

7Түрүүшын жээрэб Ёяриибтэ, хоёрдохинь Едаяада тудаба. 8Гурбадахинь Хариимда, дүрбэдэхинь Сэориимдэ, 9табадахинь Маалхияада, зургаадахинь Миямииндэ, 10долоодохинь Һаккооцдо, наймадахинь Абияада, 11юһэдэхинь Ешуаада, арбадахинь Шэханьяада, 12арбан нэгэдэхинь Элиашиибта, арбан хоёрдохинь Якиимда, 13арбан гурбадахинь Хуппаада, арбан дүрбэдэхинь Ешэбаабта, 14арбан табадахинь Билгаада, арбан зургаадахинь Иммээртэ 15арбан долоодохинь Хэзииртэ, арбан наймадахинь Һаппиццээцтэ, 16арбан юһэдэхинь Пэтаахияада, хоридохинь Эзэкээлдэ, 17хорин нэгэдэхинь Яхиинда, хорин хоёрдохинь Гамуулда, 18хорин гурбадахинь Дэлайяада, хорин дүрбэдэхинь Маһаазияада. 19Израилиин Бурханай, Эзэнэй тэрээндэ захиһан заабариин ёһоор тэдэнэй эсэгэ Аһарооноор дамжуулгын гуримаар Эзэнэй гэртэ ерээд, албаяа эрхилхэ гуримынь иимэ юм.

Бусад левидүүд

20Левиин бэшэ хүбүүдэй хубаарил иимэ: Амраамай хүбүүдһээ Шэбүһээл, Шэбүһээлэй Эхдэяа. 21Рэхабияаһаа: Рэхабияагай хүбүүдһээ ехэнь Ишшияа; 22Ицһаарһаа: Шэломоот; Шэломоодой хүбүүдһээ Яахат; 23Хэброоной хүбүүдһээ ахань Ерияа, хоёрдохинь Амарияа, гурбадахинь Яхазиһээл, дүрбэдэхинь Екамэһаам. 24Үззиһээлэй хүбүүдһээ Михаа; Михаагай хүбүүдһээ Шамиир. 25Михаагай дүү (аха) Ишшияа; Ишшияагай хүбүүдһээ Захарияа. 26Мэрариин хүбүүдһээ Маһлии ба Мушии; Яазияагай хүбүүдһээ Бэноо. 27Мэрариин үринэр: Яазияагай хүбүүд, Бэноо, Шооһам, Заххуур, Ибрии. 28Маһлиидэ – Эльазаар; тэрэ хүбүүгүй. 29Кииштэ; Киишэй хүбүүдһээ Ерэхмээл. 30Мушиигай хүбүүд: Маһлии, Эдээр, Еримоот. Левидүүдэй аха, дүүнэрэй үенүүд эдэ мүн. 31Аһарооной хүбүүдтэй хамта Давид хаанай урда, Цадоогой, Ахимээлэхэй, санаартадай, бүлэнүүдэй болон дарганарай урда жээрэб таталгые үнгэргэдэг байгаа.