1Ch 25 | BxrBBL2024 | STEP | Давид ба сэрэгэй дарганууд Асаапай, Һэмаанай, Едүтүүнэй хүбүүдые албанда томилжо, тэдэнэр абарал буулгадаг, цитранууд, псалтирнууд, кимвалнууд дээрэ наададаг; тэдэнэр албанайнгаа хэрэгтэ томилогдобо.

‏ 1 Chronicles 25

Хүгжэмшэдэй уялганууд

1 Давид ба сэрэгэй дарганууд Асаапай, Һэмаанай, Едүтүүнэй хүбүүдые албанда томилжо, тэдэнэр абарал буулгадаг, цитранууд, псалтирнууд, кимвалнууд дээрэ наададаг; тэдэнэр албанайнгаа хэрэгтэ томилогдобо. 2 Асаапай хүбүүд: Заххуур, Иосиф, Нэтаанияа, Ашарээла гэгшэд һэн. Асаапай хүбүүдые Асаап эсэгэнь өөрөө хүтэлжэ ябаа. Тэрэ хаанай зарлигаар абарал буулгадаг, наададаг байгаа. 3 Едүтүүнһээ, Едүтүүнэй хүбүүд: Гэдаалияа, Цэрии, Исай, Семей, Хашаабияа болон Маттитияа, эдэ зургаанар Едүтүүн эсэгынгээ хүтэлбэри доро ябаа. Тэрэ цитра дээрэ наадан, Эзэндэ магтаал сол дуудадаг, Тэрээндэ баяр хүргэдэг, мүн абарал буулгадаг һэн. 4 Һэмаанһаа, Һэмаанай хүбүүд: Буккияа, Маттаанияа, Үззиһээл, Шэбүһээл, Еримоот, Ханаанияа, Ханаани, Элиаата, Гидаалти, Ромаамти-Ээзэр, Ёошбэкааша, Маллооти, Һотиир болон Махазиһоот. 5 Бурханай хэлэһэнэй ёһоор нэрэ солыень алдаршуулха хаанай мэдэлшэ Һэмаанай хүбүүд эдэ мүн. Бурхан Һэмаанда арбан дүрбэн хүбүү, гурбан басага үршөөгөө. 6 Тэдэнэр бултадаа эсэгынгээ хүтэлбэри доро хаанай, үгышье һаа, Асаапай, Едүтүүнэй, Һэмаанай заабаряар кимвалнуудай, псалтирнуудай, цитрануудай хүгжэм доро дууладаг, Бурханай гэртэ иимэ алба бэелүүлдэг һэн. 7 Эзэнэй гэртэ дуулаха албанда һураһан бэлэй, тэрэниие шудалһан тэдэнэй аха, дүүнэрэй тоо хоёр зуун наян хүн. 8 Тэдэнэр жээрэбэй ёһоор багшанар болон шабинарта багашуул ехэшүүлтэй хамта эндэ албаяа дүүргэдэг бэлэй.

9 Түрүүшынхинь Иосифой орондо Асаапта тудалдаба; хоёрдохинь тэрэнэй үхибүүдэй, мүн аха, дүүнэрэй түлөө Гэдаалияада, тэдэнэр арбан хоёр байгаа; 10 гурбадахинь Заххуурта, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 11 дүрбэдэхинь Ицриидэ, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 12 табадахинь Нэтаанияада, тэрэнэй хүбүүдтэ, тэрэнэрэй аха, дүүнэртэ, тэдэнэр арбан хоёр; 13 зургаадахинь – Буккияада, тэрэнэй аха дүүнэртэ, хүбүүдтэ, бүхыдөө арбан хоёр хүн; 14 долоодохинь Ешарээлэдэ, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 15 наймадахинь Исайда, тэрэнэй хүбүүдтэ, тэрэнэй аха, дүүнэртэ; тэдэнэр арбан хоёр; 16 юһэдэхинь Маттаанияада, тэрэнэрэй хүбүүдтэ, тэрэнэй аха, дүүнэртэ; тэдэнэр арбан хоёр; 17 арбадахинь Шимэйдэ, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 18 арбан нэгэдэхинь Азарээлдэ, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 19 арбан хоёрдохинь Хашаабияада, тэрэнэй хүбүүдтэ, тэрэнэй аха дүүнэртэ, тэдэнэр арбан хоёр; 20 арбан гурбадахинь Шэбүһээлдэ, тэрэнэй хүбүүдтэ, тэрэнэй аха дүүнэртэ, тэдэнэр арбан хоёр; 21 арбан дүрбэдэхинь Маттитияада, тэрэнэй аха дүүнэртэ, хүбүүдтэ, тэдэ арбан хоёр; 22 арбан табадахинь Ерэмоодто, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 23 арбан зургаадахинь Ханаанияада, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 24 арбан долоодохинь Ёошбэкаашада, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 25 арбан наймадахинь Ханаанида, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 26 арбан юһэдэхинь Маллоотидо, тэрэнэй хүбүүдтэ, тэрэнэй аха, дүүнэртэ; тэдэнэр арбан хоёр; 27 хоридохинь Элиатаада, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 28 хорин нэгэдэхинь Һотиирто, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 29 хорин хоёрдохинь Гидаалтида, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 30 хорин гурбадахинь Махазиһоодто, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр; 31 хорин дүрбэдэхинь Ромаамти-Ээзэртэ, тэрэнэй хүбүүдтэ, тэрэнэй аха дүүнэртэ; тэдэнэр арбан хоёр байгаа.