‏ 1 Chronicles 26

Үүдэнэй харуулшадай уялганууд

1Коорахай угһаа гараһан үүдэнэй харуулшадай уялганууд: Асаапай хүбүүдэй Коорахай хүбүүн Мэшэлээмияа; 2Мэшэлээмияагай хүбүүд: ахань Захарияа, хоёрдохинь Едиаһээл, гурабадахинь Зэбаадьяа, дүрбэдэхинь Ятниһээл, 3табадахинь Элаам, зургаадахинь Ёханаан, долоодохинь Эльйэһоэнай. 4Обээд-Эдоомой хүбүүд: ахань Шэмаяа, хоёрдохинь Ёзабаад, гурбадахинь Ёһаа, дүрбэдэхинь Сахаар, табадахинь Нэтанээл, 5зургаадахинь Аммиһээл, долоодохинь Иссахаар, наймадахидань Пэүллэтэйдэ, Бурхан тэрэниие үреэлдөө хүртээгөө бшуу. 6Шэмаяагай хүбүүд өөһэдынгөө обогто дарганууд байһан; тэдэнэр аргагүй ехэ шадалтайнууд һэн. 7Шэмаяагай хүбүүд Отнии, Рэпаһээл, Обээд, Элзабаад хүсэ ехэтэйнүүд, Элиһүү, Сэмаахияа. 8Эдэнэр бултадаа Обээд-Эдоомой хүбүүд; тэдэнэр, мүн тэдэнэрэй хүбүүд, тэдэнэрэй аха, дүүнэр оролдосотойнууд, албан хэрэгтэ урагшатайнууд. Обээд-Эдоом жаран хоёр хүбүүтэй һэн. 9Мэшэлээмияа арбан найман хүбүүдтэй, бултадаа оролдосотойнууд, албан хэрэгтээ урагшатайнууд. 10Мэрариин хүбүүдэй нэгэн Хосаагай хүбүүд: Шимрии ахалагшань, зүгөөр тэрэ эсэгын түрүүшын хүбүүн бэшэ, эсэгэнь тэрэниие ахалагша болгоһон; 11хоёрдохинь Хилкияа, гурбадахинь Тэбаалияа, дүрбэдэхинь Захарияа; Хосаа арбан гурбан хүбүүтэй һэн. 12Эзэнэй гэртэ алба хэхэ тэдэнэй аха, дүүнэрэй, отогойнгоо хотон айлнуудай хэмжээгээр үүдэшэдээр томилогдоошодынь эдэ мүн. 13Тэдэнэр жээрэб татажа, хотон айлнуудай ехэ, багануудаар Эзэнэй гэрэй үүдэнүүдтэ табигдадаг һэн. 14Зүүн талынхида Шэлээмияа жээрэбээр тудаба; тэрэнэй хүбүүн сэсэн зүбшэлэгшэ Захарияада хойто талын үүдэн тудалдаба. 15Обээд-Эдоомдо урда талынхи, харин тэрэнэй хүбүүдтэ амбарнууд тудалдаа. 16Шүппиим Хосаа хоёрто баруун талын Шаллэхээдэй үүдэн тудалдаа, эндэхи харуулшад бэе бэеынгээ урдаһаа хараад байдаг, мүн эндэһээ харгы эхилдэг. 17Зүүн талада зургаа зургаагаар левидүүд, хойнонь дүрбэ дүрбөөр, урдахидань дүрбэ дүрбөөр, юумэ хадагалдаг газарта хоёр хоёроор хүнүүд байдаг. 18Баруун талын үүдэнэй харгы дээрэ дүрбэ дүрбөөрөө. 19Мэрариин, мүн Коорахай хүбүүд үүдэшэдээр иигэжэ табигдаа.

Баялигуудта табигдаһан левидүүд

20Левидүүд, мүн тэдэнэй аха дүүнэр Бурханай гэрэй баялигуудые, тэрээндэ хабаатай үзэсхэлэн үнэтэ зүйлнүүдые харадаг һэн. 21Гэршоомой хүбүүд, Лааданай хүбүүд Лааданһаа, Гэршооной, Лааданай бүлэнүүдэй ахамадууд: Эхилиэлии. 22Эхилиэлиин хүбүүд: Зэтаам, Ёһээл, тэрэнэй дүү Эзэнэй гэрэй баялигуудые харууһалдаг байгаа. 23Амраамай, Ицһаарай, Хэброоной, Үззиһээлэй үри һадаһад хамтаараа. 24Моисейн хүбүүн Гэршоом, тэрэнэй хүбүүн Шэбүһээл баялигуудай ахамад харуулшад. 25Тэрэнэй дүү Элиээзэрэй хүбүүн Рэхабияа, тэрэнэй хүбүүн Исай, тэрэнэй хүбүүн Ёраам, тэрэнэй хүбүүн Зихрии, тэрэнэй хүбүүн Шэломоот. 26Шэломоот ба тэдэнэй аха, дүүнэр хаанай, отогуудай гулбаануудай, мянганай, зуунай даргануудай, сэрэгүүдые хүтэлбэрилэгшэдэй баялигуудые харадаг байгаа. 27Тэдэнэр байлдаанда олзоборилһон баялигуудһаа Эзэнэй гэртэ тэдхэлгэдэ үгэдэг һэн. 28Лүндэншэн Самуил, Киишэй хүбүүн Саул, Нээрэй хүбүүн Абнээр, Цэруяагай хүбүүн Ёһааб гэгшэдтэ зорюулганууд Шэломоодой гарта байгаа.

Хаанай бэшээшэд, хэрэгүүдые шиидхэгшэд, дарганууд

29Ицһаарай обогһоо Ханаанияа болон тэрэнэй хүбүүд иеһүдүүдэй гадаадын албанда бэшээшэдээр, зарга шүүгшэдээр томилогдоһон. 30Хэброоной обогһоо: Хашаабияа, тэрэнэй аха, дүүнэр эрэлхэг зоригтойнууд, нэгэ мянган долоон зуун хүн, Иорданһаа баруулжаа, Израилиин нютагуудта Эзэнэй элдэб албанда, хаанай албанда байһан түүхэтэй. 31Хэброоной обогто Ерияа гулбаа байжа, обогой үенүүдые толгойлоо. Давидай хан шэрэйн дүшэдэхи жэлдэ Язээр-Галаадта тэдэнэр бүридхэлдэ абтаһан, тэдэнэрэй дунда эрэлхэг хүнүүд олон һэн. 32Тэдэниие Давид Рэүбээнэй, Гаадай үенүүд, Мэнашшээгэй хахад үе дээрэ, Бурханай бүхы, хаанай хамаг хэрэгүүдые эрхилэгшээр табиһан юм.