‏ 1 Chronicles 7

Иссахаарай үри һадаһад

1Иссахаарай хүбүүд: Толаа, Пуһаа, Яшууб, Шимроон дүрбэн. 2Толаагай хүбүүд: Үззии, Рэпаяа, Ериһээл, Яхмай, Ибсаам, Шэмүһээл, онсонь Толаагай уг соо дайшалхы абари зантай хүнүүд олон байһан; Давидай үедэ тэдэнэй тоо хорин хоёр мянган зургаан зуун байһан. 3Үззиин хүбүүн Израахия; Израахиягай хүбүүд: Михаээл, Обадияа, Ёһээл болон Ишшияа табан байгаа. Тэдэнэр бултадаа ахамад дарганууд һэн. 4Тэдэнэр бултадаа олон һамгадтай, олон хүбүүдтэй тула отогойнгоо хүнүүдтэй хамта дайн байлдаанда хабаадаха сэрэгшэдынь гушан зургаан мянганда хүрэдэг байгаа. 5Угай бэшэгээр Иссахаарай обогой дайшалхы аха, дүүнэр наян долоон мянганда хүрэдэг һэн.

Бэньямиинэй үри һадаһад

6Бэньямиин гурбан хүбүүтэй байгаа: Бээла, Бээхэр, Едиаһээл. 7Бээлын хүбүүд: Эцбоон, Үззии, Үззиһээл, Еримоот ба Ирии хамтадаа табан, үе үеынгөө толгойлогшонор, бултадаа дайшалхы шадабаританууд байһан. Тэдэнэр угай бэшэгтэ хорин хоёр мянган гушан дүрбэн гээд бэшэгдэнхэй. 8Бээхэрэй хүбүүд: Зэмираа, Ёһааш, Элиээзэр, Эльйоэнай, Омрии, Ерэмоот, Абияа, Анатоот ба Алэмээт. Эдэ бултадаа Бээхэрэй хүбүүд мүн. 9Угай бэшэгтэ отогойнгоо, үе үеынгөө толгойлогшонортой бэшэгдэхэдээ, хорин мянган хоёр зуун дайшалхы шадабаритан гээд заагданхай. 10Едиаһээлэй хүбүүн Билһаан. Билһаанай хүбүүд: Еһүүш, Бэньямиин, Эһууд, Хэнаанаа, Зэтаан, Таршииш, Ахишаахар. 11Едиаһээлэй эдэ хүбүүд обог омогуудаа толгойлһон дайшахы шадабаритай эрэшүүл байһан; дайнда орохо арбан долоон мянган хоёр зуун болодог һэн. 12Иирэй хүбүүд Шүппиим ба Хуппиим. Ахээрэй хүбүүн Хушиим.

Напталиигай үри һадаһад

13Напталиигай хүбүүд: Яхциһээл, Гунии, Еэцэр, Шаллуум, эдэ Билһаагай үхибүүд.

Мэнашшээгэй үри һадаһад

14Мэнашшээгэй хүбүүд: араамай арадһаа гарбалтай тэрэнэй бага һамганһаа гараһан Асриээл; тэрэ Галаадай эсэгэ болохо Махиирые түрөө. 15Махиир Хуппиим ба Шүппиим хоёрой эгэшэ Маһахаае һамган болгожо абаа; хоёрдохинь Цэлопэһаад нэрэтэй. Цэлопэһаад басагадые гаргаа. 16Махиирай һамган Маһахаа хүбүү түрэжэ, тэрээнээ Пээрэш гээд нэрлэбэ, харин дүүгэйнь нэрэ Шээрэш. Тэрэнэй хүбүүд: Улаам, Рээкэм. 17Улаамай хүбүүн Бэдаан. Махиирай хүбүүн, Мэнашшээгэй хүбүүн – эдэ Галаадай хүбүүд мүн. 18Тэрэнэй эгэшэ Молээхэт Ишһоодые, Абиээзэрые, Маһлаае түрөө. 19Шэмидаагай хүбүүд: Ахиһаан, Шэхээм, Ликхии ба Аниһаам.

Эпрааимай үри һадаһад

20Эпрааимай хүбүүд: Шүтэлаа, тэрэнэй хүбүүн Бээрэд, Бээрэдэй хүбүүн Таахат, Таахадай хүбүүн Эладаа, Эладаагай хүбүүн Таахат, 21тэрэнэй хүбүүн Забаад, Забаадай хүбүүд Шүтэлаа, Ээзэр, Элаад. Тэдэ хүбүүдэй тэрэ газарта ажаһуудаг хүнүүдэй үхэр мал хүсөөр эзэмдэхэеэ һанахадань, Гаадай хүнүүд тэдэниие алаа һэн. 22Тэдэнэй эсэгэ Эпрааим хүбүүдээ ехээр шаналан, олон үндэрэй туршада уй-хай табин, гашуудалда абтаба, аха, дүүнэрынь олоороо ерэжэ, һанааень заһан тайбшаруулба. 23Удаань тэрэ һамгантаяа унтаба. Һамганиинь хээлитэй болоод, хүбүү түрэбэ, эсэгэнь энэ хүбүүгээ Бэрияа гээд нэрлэбэ, энэнь тэрэнэй гэртэ уйдхар тохёолдоо гэһэн удхатай юм. 24Тэрэ Шээра гэжэ басагатай һэн. Тэрэнь доодо ба дээдэ Бэт-Һороон ба Үззээн-Шэһэраа гээшэдые байгуулһан түүхэтэй. 25Тэрэнэй хүбүүн Рээпаа, мүн Рээшэп, ба тэрэнэй хүбүүн Тээлах, мүн тэрэнэй хүбүүн Таахан, 26тэрэнэй хүбүүн Лаадан, тэрэнэй хүбүүн Аммиһүүд, тэрэнэй хүбүүн Элишамаа, 27тэрэнэй хүбүүн Нүүн, тэрэнэй хүбүүн Иисүүс. 28Тэрэнэй эзэлжэ ба ажаһууһан газарынь иимэ байгаа: Бэт-Ээл ба тэрээндэ мэдэлтэй хотонууд: Нааранһаа зүүлжээ Гээзэрһээ баруулжа, тэрээндэ мэдэлтэй хотонууд; Шэхээм ба Айяа хүрэтэр мэдэлтэй хотонуудынь. 29Мэнашшээгэй хүбүүдтэ мэдэлтэй хотонууд: Бэт-Шэһаан, Таанаах, Мэгиддоо, Доор гэхэ мэтэ болоно. Израилиин Иосифой хүбүүд тэндэ ажаһуугаа.

Ашээрэй үри һадаһад

30Ашээрэй хүбүүд: Имнаа, Ишваа, Ишвии ба Бэрияа, мүн тэдэнэй эгэшэ Сээраа. 31Бэрияагай хүбүүд: Хээбэр ба Малхиһээл. Тэрэ Бирзайһиитын эсэгэ. 32Яплээдэй, Шээмэрэй, Хотаамай, мүн тэдэнэй эгэшэ Шуһаагай эсэгэ Хээбэр мүн. 33Яплээдэй хүбүүд: Пасаах, Бимһаал Ашваат. Эдэнэр Яплээдэй хүбүүд мүн. 34Шээмэрэй хүбүүд: Ахии Рохгаа, Хуббаа ба Араам. 35Тэдэнэй дүү Һээлэмэй хүбүүд: Цопаах, Имнаа, Шээлэш ба Амаал. 36Цопаахай хүбүүд: Сууһаа, Харнээпэр, Шуһаал, Бэрии, Имраа, 37Бээцэр, Һоод, Шаммаа, Шилшаа, Итраан ба Бээрэ. 38Етээрэй хүбүүд: Епуннээ, Писпаа ба Араа. 39Уллаагай хүбүүд: Араах, Ханниһээл, Рицияа. 40Ашээрэй эдэ хүбүүд бултадаа отогойнгоо гулбаанууд, шэлдэг бэетэй эрэшүүл, сэрэгшэд, сэрэгэй ахамад тушаалтайнууд. Угай бэшэгэй ёһоор дайн байлдаанда хабаадаха шадалтай хорин зургаан мянган хүн гээд бэшэгдэнхэй.