‏ 1 Chronicles 8

Бэньямиинэй үри һадаһад

(1 Уг 9:34-44)

1Бэньямиинэй ууган хүбүүн Бээла, хоёрдохинь Ашбээл, гурбадахинь Ахраах, 2дүрбэдэхинь Ноһаа, мүн табадахинь Рапаа болоно. 3Бээлын хүбүүд: Аддаар, Гэраа, Абиһууд, 4Абишууа, Наамаан, Ахооһах, 5Гэраа, Шэпупаан, Хураам.

6Гээбэдэ ажаһуугшад Манаахат нүүһэн отогуудай гулбаанууд байһан Эхуудай хүбүүд гэбэл: 7тэдэниие зөөлгэһэн Наамаан, Ахияа болон Гэраа мүн; тэрэ Уззаагай ба Ахиһуудай эсэгэ.

8Шахараим өөрынгөө һамгад Хушиим Баһараа хоёрые түрхэмүүдтэнь ябуулһанай һүүлээр Моһаабай газар дээрэ үхибүүдтэй болоһон юм. 9Тэрэ өөрынгөө һамган Хоодэшһөө Ёваав, Цибияа, Мэшаа, Малхаам, 10Еһүүц, Сахияа ба Мирмаа хүбүүд отогойнгоо гулбаанууд боложо тодорһон. 11Хушиим һамганһаа Абитууб ба Элпаал хүбүүд түрөө. 12Элпаалай хүбүүд гэбэл: Ээбэр, Мишаам болон Шээмэд, тэрэ Оноо Лоод хотонуудые бодхоогоо.

13Бэрияа ба Шэмаа. Тэдэнэр Аялоондо ажаһуудаг отогуудайнгаа гулбаанууд байһан юм. Тэдэнэр Гаат хотодо ажаһуугшадые үлдэн намнаһан. 14Ахиһоо Шашаак, Ерэмоот, 15Зэбаадьяа, Араад, Эдээр, 16Михаээл, Ишпаа ба Ёхаа, эдэнэр бултадаа Бэрияагай хүбүүд болоно.

17Зэбаадьяа, Мэшуллаам, Хизкии, Хээбэр, 18Ишмэрай, Излияа, Ёваав – эдэнэр Элпаалай хүбүүд мүн. 19Якиим, Зихрии, Забдии, 20Элиэнай, Циллэтай, Элиээл, 21Адаяа, Бэраяа, Шимраат – эдэнэр Шимэйн хүбүүд мүн. 22Ишпаан, Ээбэр, Элиээл, 23Абдоон, Зихрии, Ханаһаан, 24Ханаанияа, Элаам, Антотийа, 25Ипдэйя ба Пэнүһээл гэгшэд Шашаагай хүбүүд. 26Шамшэрай, Шэхаарияа, Атаалияа, 27Яарээшия, Элияа ба Зихрии гэгшэд Ероһаамай хүбүүд. 28Эдэнэр отогуудайнгаа гулбаанууд. Тэдэнэр Иерусалимда ажаһуугаа.

29Гибэһоондо Гибэһооной эсэгэ Еиһээл ажаһуугаа. Тэрэнэй һамган Маһахаа нэрэтэй бэлэй. 30Тэдэнэй ууган хүбүүн Абдоон, тэрэнэй удаадахинь Цуур, Кииш, Бааһал, Нээр, Надааб, 31Гэдоор, Ахиһоо, Зээхэр болоно. 32Миклоот Шэмаагай эсэгэ. Тэдэнэр аха дүүнэртэеэ хамта Иерусалимда ажаһуугаа.

33Нээрэй хүбүүн Кииш, Киишэй хүбүүн Саул: Саулай хүбүүд Ёнатаан, Малхишууһа, Абинадааб ба Эшбааһал. 34Ёнатаанай хүбүүн Мэрииб-Бааһал; тэрэнэй хүбүүн Михаа. 35Михаагай хүбүүд: Питоон, Мээлэх, Таарэа ба Ахааз. 36Ахаазай хүбүүн Ёһаддаа; Ёһаддаагай хүбүүд: Алэмээт, Азмаавэт ба Зимрии; Зимриигэй хүбүүн Моцаа; 37Моцаагай хүбүүн Бинаа. Тэрэнэй хүбүүн Рапаа, тэрэнэй хүбүүн Элэасаа; тэрэнэй хүбүүн Ацээл. 38Ацээл зургаан хүбүүтэй байгаа, тэдэнэй нэрэнүүдынь эдэ: Азрикаам Бохэрүү, Ишмаһээл, Шэһаарияа, Обадияа ба Ханаһаан; тэдэ булта Ацээлэй хүбүүд мүн. 39Тэрэнэй дүү Ээшэгэй хүбүүд: ууган хүбүүниинь Улаам, хоёрдохинь Еһүүш, гурбадахинь Элипээлэт. Улаамай хүбүүд сэрэгшэ уладууд, номоор мэргээр харбадаг, олон хүбүүд болон ашанартаяа дүн хамта зуун табин байгаа. Тэдэнэр бултадаа Бэньямиинэй хүбүүдһээ мүн.40