‏ 1 Chronicles 9

1Бүхы израильшууд өөр өөрын отогуудаар Израилиин хаашуулай номдо тоологдон бэшэгдээ һэн. Иудейнүүд хуули буса ябадалнуудые хэһэнэйнгээ түлөө Вавилоон руу нүүлгэгдээ һэн. 2Израилиинхид, санаартад, левидүүд, мүн тэдээндэ дамжуулагшад Израилиин хотонуудта, эзэлжэ байһан газар нютагуудта түрүүшын ажаһуугшад боложо тодорһон юм.

Иерусалимда ажаһуугшад

(Нэх 11:3-19)

3Иерусалимда Иудын хүбүүдэй зариманиинь ажаһуугаа, мүн эндэ Бэньямиинэй, Эпрааимай, Мэнашшээгэй хүбүүдэй нэгэ хэдынь ажаһуугаа гэбэл: 4Аммиһүүдэй хүбүүн Утай, Омриин хүбүүн, Имриин хүбүүн, Баниин – эдэ Иудын хүбүүн Пээрэцэй хүбүүд болоно; 5Шилооной хүбүүд сооһоо Асайяа ууган хүбүүниинь болон тэдэнэй хүбүүд; 6Зээрахай хүбүүдһээ Еүһээл болон тэдэнэй аха дүүнэр – зургаан зуун ерэн хүн; 7Бэньямиинэй хүбүүдһээ Саллуу, Мэшуллаамай хүбүүн, Һодаабьяагай хүбүүн, Һассэнуһаагай хүбүүн; 8Ероһаамай хүбүүн Ибнэяа, Үззиин хүбүүн Элаа, Михриин хүбүүн Мэшуллаам болон Шэпаатияагай хүбүүн, Рэүһээлэй хүбүүн, Ибнияагай хүбүүнэй, 9тэрэнэй аха дүүнэр, обогууд: юһэн зуун жаран табан – эдэ эрэшүүл обогуудаа толгойлоо.

10Санаартад эдэ гэбэл: Едаяа, Ёярииб, Яхиин, 11Азаарияа, Хилкияагай хүбүүн, Мэшуллаамай хүбүүн, Цадоогой хүбүүн, Мэрайһоодой хүбүүн, Ахитуубай хүбүүн. Эдэнэр Бурханай гэртэ алба толгойлдог байгаа. 12Ероһаамай хүбүүн, Пашхуурай аша, Малхияагай гуша Адаяа; Адиһээлэй хүбүүн, Яхзэраагай хүбүүн, Мэшуллаамай гуша, Мэшиллэмиидэй дүшэ Маасай. Мэшиллэмиит хадаа Иммээрэй хүбүүн байгаа; 13тэдэнэрэй аха дүүнэр, өөһэдынгөө отогуудай гулбаанууд. Эзэнэй гэртэ алба хэхэ эрхим хүнүүд нэгэ мянган долоон зуун жаран болоо.

14Харин левидүүдһээ гэбэл: Мэрариин хүбүүдһээ Хашаабияагай хүбүүн, Азрикаамай хүбүүн, Хашшуубай хүбүүн Шэмаяа; 15Асаапай хүбүүн Зихриигэй хүбүүн, Михаагай хүбүүн, Маттаанияа, Галаал, Хээрэш, Бахбакаар; 16Шэмаяагай хүбүүн, Галаалай аша, Едүтүүнэй гуша Обадияа; Нэтопаадай хүдөө нютагуудта ажаһуудаг Элканаагай аша, Асаагай хүбүүн Бэрэхияа.

17Үүдэнэй харуулшад гэбэл: Шаллуум, Аххууб, Талмоон, Ахимаан, тэдэнэй аха дүүнэр; Шаллуум тон ахалагшань байһан. 18Левиин хүбүүд хаанай үүдэнэй зүүн талын харуулда мүнөөшье байдаг. 19Корэйн, тэдэнэй аха дүүнэр, тэрэнэй омогтон Коорахай хүбүүн, Эбиасаапай хүбүүн, Коорахай хүбүүн Шаллуум болоно. 20Эльазаарай хүбүүн Пинэһаас тэдэнэрэй дарга байха үедэ Эзэн тэдэнэртэй байгаа. 21Мэшэлээмияагай хүбүүн Захарияа майхан һүмын үүдэнэй харуулшад һэн. 22Үүдэнэй харуулшадаар һунгагдаһан зон бүхыдөө хоёр зуун арбан хоёрто хүрэдэг һэн. Тэдэнэр нютаг нютагуудаар бүридхэлдэ абтаһан бэлэй. Үнэн сэхээр албаяа бэелүүлһэнэйнь түлөө Давид ба Самуил мэдэлшэн тэдэниие энэ албанда табиһан түүхэтэй. 23Тэдэнэр, үри һадаһадынь майханай, Эзэнэй гэрэй үүдэнүүдэй харуулшад болон тодорһон юм. 24Тэрэнэй дүрбэн таладань харуулшад гэбэл: зүүн, баруун, хойто болон урда талаһаа. 25Эдэнэрэй аха дүүнэр өөһэдынгөө сэлеэнгүүдтэ ажаһуудаг байгаа, зүгөөр ээлжээнэй ёһоор тэдээнтэй хамта байхаяа долоон үдэрөөр ерэдэг һэн. 26Этигэл ехэтэй левидүүд дүрбэн талын удамаршад; тэдэнэр Бурханай гэрэй үнэтэ зүйлнүүдые, бусадшье байрануудые хараха харуулшадаар томилогдоһон бэлэй. 27Харуулай уялгануудые бэелүүлдэг тула һүниие Бурханай гэрэй хажууда үнгэргэдэг, үглөө бүринь үүдэнүүдыень сэлидэг һэн.

28Тэдэнэрэй заримашуулда тусхайта амһартанууд даалгагдаһан, тиигээд тоогоорнь абадаг, мүн тэдэнэрэйнь зэргээр хубаадаг һэн. 29Харин нүгөөшүүлдэнь санаартанда хамһабариин хэрэгтэй ажал даалгагдаа гэбэл: эрхим гурил, үзэмэй дараһан архи, оливын тоһо, санзай болон уталгын бэшэшье зүйлнүүдые бэлдэхэ гэхэ мэтэ.

30Санаартадай хүбүүдэй заримашуулынь хангалтама уталгануудые бэлдэдэг һэн. 31Левидүүдэй, Коорах нютагай Шаллуумай ууган хүбүүн Маттитияада хубардаа дээрэ бэлдэдэг зүйлнүүд даалгагдаа. 32Кэһаадай хүбүүдэй аха дүүнэрэй заримашуулда гарагай долоон бүхэндэ үргэлэй хэрэгтэй хилээмэ бэлдэдэг һэн.

33Левидүүдэй отогойхидто дуушад гол үүргэ дүүргэдэг, тэдэнэр һүмын таһалганууд соохи ажалнуудһаа сүлөөлэгдэнхэй тула уялгануудаа сэхэ дүүргэдэг һэн. 34Тэдэнэр левидүүдэй үенүүдэй гол гулбаанууд һэн. Тэдэнэр Иерусалимда ажаһуудаг бэлэй.

Саулай үри һадаһад

(1 Уг 8:29-38)

35Гибэһоондо Гибэһооной эсэгэ Еиһээл ажаһуугаа. Тэрэнэй һамган Маһахаа нэрэтэй бэлэй. 36Тэдэнэй ууган хүбүүн Абдоон, тэрэнэй удаадахинь Цуур, Кииш, Бааһал, Нээр, Надааб, 37Гэдоор, Ахиһоо, Захарияа болон Миклоот, 38Миклоот Шимаамай эсэгэ. Тэдэнэр аха дүүнэртэеэ хамта Иерусалимда ажаһуугаа. 39Нээрэй хүбүүн Кииш, Киишэй хүбүүн Саул; Саулай хүбүүд Ёнатаан, Малхишууһа, Абинадааб ба Эшбааһал. 40Ёнатаанай хүбүүн Мэрииб-Бааһал; тэрэнэй хүбүүн Михаа. 41Михаагай хүбүүд – Питоон, Мээлэх, Тахрэа. 42Ахаазай хүбүүн Яраа; Яраагай хүбүүд: Алэмээт, Азмаавэт ба Зимри; Зимриигэй хүбүүн Моцаа. 43Моцаагай хүбүүн Бинаа. Тэрэнэй хүбүүн Рэпаяа; тэрэнэй хүбүүн Элэасаа; тэрэнэй хүбүүн Ацээл. 44Ацээл зургаан хүбүүтэй байгаа, тэдэнэй нэрэнүүдынь эдэ: Азрикаам, Бохэрүү, Ишмаһээл, Шэһаарияа, Обадияа ба Ханаһаан; тэдэнэр Ацээлэй хүбүүд мүн.