‏ 1 Chronicles 4

Иудын үри һадаһад

1Иудын хүбүүд: Пээрэц, Хэцроон, Хармии, Хуур болон Шобаал. 2Шобаалай хүбүүн Рэһаяа, тэрэнэй хүбүүн Яахат; Яахадай хүбүүд Ахумай Лааһад хоёр. Эдэ бол Цораат уг унгиин зон болоно. 3Этаамай хүбүүд эдэ: Езрээл, Ишмаа, Идбааш, тэдэнэй эгэшэ Һацэлэлпонии, 4Гэдоорой эсэгэ Пэнүһээл, Хушаагай эсэгэ Ээзэр. Эдэ бол Эпраатын ууган хүбүүн ба Бэтлэһээмые байгуулагша Хуурай үри һадаһад болоно.

5Тэкооһагай эсэгэ Ашхуур Хэлаа Наһараа гэжэ хоёр һамгатай байгаа. 6Наһараа тэрээндэ Ахузаам, Хээпэр, Тэмнии болон Һахаштарии гэгшэдые түрэбэ. Наһарааһаа гараһан хүбүүд эдэ болоно. 7Хэлааһаа гараһан хүбүүд: Цээрэт, Цохаар болон Этнаан.

8Кооцһоо Анууб ба Цобэбаа гараһан; Һаруумай хүбүүн Ахархээлэй уг унги мүн лэ тэрээнһээ эхилһэн юм.

9Аха дүүнэр сооһоо эгээл хүндэтэйнь Ябээц байһан юм. Эхэнь хүбүүндээ Ябээц гэжэ нэрэ үгэхэдөө, иигэжэ хэлэһэн: «Би тэрэниие ехээр үбдэжэ түрөөб». 10Ябээц Израилиин Бурханиие дуудан, иигэжэ хэлэбэ:

– Та намайе Өөрынгөө юрөөлөөр юрөөжэ, газар дайдыем үргэдхыт! Та намайе дүнгэжэ, гай гасалан мэдэнгүй байхымни тула гай тодхорһоо аршалан байгыт!

Бурхан тэрэнэй гуйгшые үршөөгөө бэлэй.

11Шухаагай аха Хэлүүб Мэхиир гэжэ хүбүүтэй болобо; Мэхиир хадаа Эштооной эсэгэ мүн. 12Эштооной хүбүүд Бэт-Рапаа, Пасэах, мүн Наһааш хотые байгуулагша Тэхиннаа; эдэнэр Рэхаада ажаһуудаг һэн.

13Кэнаазай хүбүүд: Отниһээл ба Сэраяа. Отниһээлэй хүбүүн Хатаат. 14Мэонотайн хүбүүн Опраа, Сэраяагай хүбүүн Ёһааб модошо дархашуулай угай эхи табигша мүн. 15Епуннээгэй хүбүүн Халээбэй хүбүүд: Иирү, Элаа ба Нааһам. Элаагай хүбүүн Кэнааз.

16Еһаллэлээлэй хүбүүд: Зиип, Зипаа, Тирияа ба Ашарээл. 17Эзраагай хүбүүд: Етээр, Мээрэд, Эпээр болон Ялоон. Мээрэд фараоной басага Битьяе һамга абажа, тэрэнь Мириам, Шаммай, Ишбаахые түрөө. Ишбаахай хүбүүн Эштэмооһа мүн. 18Мээрэдэй нүгөө һамган Иудын обогой бэлэй. Тэрэ Гэдоорой эсэгэ Ярээдые, Сохоогой эсэгэ болохо Хээбэрые, Занаахай эсэгэ болохо Екүтиһээлые түрөө.

19Гармиин Кэилаа ба Маһахаагай Эштэмооһа гэгшэдэй эсэгэнэр Һодьяагай һамганһаа гараһан болоно. Һодьяагай һамган Наахамай дүү бэлэй. 20Шимооной хүбүүд: Амноон, Риннаа, Бэн-Ханаан ба Тилоон. Ишиигэй үри һадаһад: Бэн-Зохээт ба Бэн-Зохээдэй хүбүүн.

21Иудын хүбүүн Шэлаагай үри һадаһад: Лэхаагай эсэгэ Ээр, Марэшаагай эсэгэ Лаһадаа. Эдэ гэр бүлэнүүдһээ үнэтэй улһан бүд нэхэгшэд гараһан юм. Ашбээһа гээд нэрэтэй уг болоно. 22Ёхиим, Козэбаагай ажаһуугшад, Лээхэмдэ ажаһуугша моһаабуудые зонхилһон Ёһааш ба Сараап. Зүгөөр эдэ үйлэ хэрэгүүд эртэ урда сагай мүн. 23Тэдэнэр шабар амһарта хэдэг, Нэтаһиим ба Гэдэраада ажаһуудаг, хаанда ажал хэдэг зон байгаа.

Симеоной үри һадаһад

(Нүүн 19:2-9)

24Симеоной хүбүүд: Нэмүһээл, Ямиин, Ярииб, Зээрах болон Саул. 25Саулай хүбүүн Шаллуум, Шаллуумай хүбүүн Мибсаам, Мибсаамай хүбүүн Мишмаа болоно; 26Мишмаагай хүбүүд: Хамуһээл; тэрэнэй хүбүүн Заххуур; Заххуурай хүбүүн Шимэй. 27Шимэй арбан зургаан хүбүүтэй, зургаан басагатай байгаа; тэрэнэй аха дүүнэртэ хүбүүд үсөөн, обог зониинь Иудынхиһээ нилээд үсөөн байгаа. 28Тэдэнэр Бэһээр-Шээбэдэ, Моладаада, Хацаар-Шуһаалда, 29Билһаада, Ээцэмдэ, Толаадта, 30Бэтүһээлдэ, Хормаада, Циклаагта, 31Бэт-Мархабоодто, Хацаар-Сусиимда, Бэт-Бириидэ мүн Шаарааһимда ажаһуугаа. Давидай хааншалхын урда тэдэ иимэ хотонуудта һуугаа болоно, 32мүн иимэ тосхонууд соо: Этаам, Ааин, Риммоон, Тоохэн болон Ашаанда, үшөө табан һууринууд соо, 33Бааһал хүрэтэр тараһан энэ һууринуудай хажуугаархи нютагуудта һуугаа. Тэдэнэрэй ажаһууһан газар болон уг угынь эдэ болоно.

34Мэшобааб, Ямлээх болон Амацияагай хүбүүн Ёшаа, 35Ёһээл ба Асиһээлэй хүбүүн Сэраяагай Ёшиибиягай хүбүүн Еһүү, 36Эльйоэнай, Яакобаа, Ешоһаяа, Асайяа, Адиһээл, Есимиһээл, Бэнайяа, 37Шипиин хүбүүн Зизаа. Шипии Аллооной, Аллоон Едаяагай, Едаяа Шимриин, Шимрии Шэмаяагай. 38Эндэ нэрэ нэрээр тоологдоһон зон обогуудайнгаа ударидагша тайжанууд байһан юм. Тэдэнэй уг удам һалаатан, угаа олон болоо бэлэй. 39Тэдэ малай бэлшээри бэдэрэн, Гэдоор хүрэтэр, гол нюруугай зүүн тала хүрэтэр ошодог һэн. 40Тэндэ амгалан аюулгүй байдалтай үргэн газар, үрэжэлтэй, һайн бэлшээри тэдэ олоо бэлэй. Тэдэнэй урда тээ энэ орон нютагта Хаамһаа уг гарбалтай зон ажаһуугаа. 41Дээрэ нэрэ нэрээр тоологдоһон зон Иудын хаан Хэзэкияагай үедэ энэ газарта ерэжэ, эндэ ажаһууһан Хаамай үри һадаһадай, мэүүншүүдэй отог майхангуудые һандаргаажа, зонииень хюдаа бэлэй. Орондонь өөһэдөө байрлажа, мүнөө болотор байна. Юуб гэбэл, тэндэ малай һайн бэлшээри бии. 42Тэдээн сооһоо табан зуун хүн (Симеоной хүбүүдэй дундаһаа) Сэһиирэй хада уула руу ошобо. Удамаршадынь гэбэл, Ишиигэй хүбүүд Пэлаатияа, Нэһаарияа, Рэпаяа болон Үззиһээл бэлэй. 43Тэндэ Амалээгэй үри һадаһадһаа үлэһэн һүүлшын зониие тэдэ хюдаад, мүнөө болотор өөһэдөө тэндэ ажаһуунад.