‏ 1 Chronicles 6

Левиин үри һадаһад

1Левиин хүбүүд: Гэршоон, Кэһаат, Мэрарии; 2Кэһаадай хүбүүд: Амраам, Ицһаар, Хэброон, Үззиһээл; 3Амраамай үхибүүд: Аһароон, Моисей, Мириам. Аһороной хүбүүд: Надааб, Абиһуу, Эльазаар, Итамаар; 4Эльазаарай хүбүүн Пинэһаас, Пинэһаасай хүбүүн Абишууа; 5Абишууагай хүбүүн Букки, Буккиин хүбүүн Үззии; 6Үззиин хүбүүн Зэраахияа, Зэраахияагай хүбүүн Мэрайһоот; 7Мэрайһоодой хүбүүн Амарияа, Амарияагай хүбүүн Ахитууб; 8Ахитуубай хүбүүн Цадоок, Цадоогой хүбүүн Ахимаац; 9Ахимаацай хүбүүн Азаарияа, Азаарияагай хүбүүн Ёханаан; 10Ёханаанай хүбүүн Азаарияа, тэрэ Иерусалимда Соломооной бариһан Һүмэдэ санаартан байгаа. 11Азаарияагай хүбүүн Амарияа, Амарияагай хүбүүн Ахитууб; 12Ахитуубай хүбүүн Цадоок, Цадоогой хүбүүн Шаллуум; 13Шаллуумай хүбүүн Хилкияа, Хилкияагай хүбүүн Азаарияа; 14Азаарияагай хүбүүн Сэраяа, Сэраяагай хүбүүн Ёцадаак; 15Навуходоносорой гараар Эзэнэй Иудын, Иерусалимай зониие нүүлгэхэ үедэ Ёцадаак баряанда туугдан абтаа һэн.

16Левиин хүбүүд: Гэршоом, Кэһаат, Мэрарии; 17Гэршоомой хүбүүдэй нэрэнүүд: Либнии ба Шимэй. 18Кэһаадай хүбүүд: Амраам, Ицһаар, Хэброон, Үззиһээл; 19Мэрариин хүбүүд: Маһлии ба Мушии.

Левийһээ үдэн гараһан уг унгинууд ба тэдэнэй үбгэ эсэгэнэр. 20Гэршоомой уг: тэрэнэй хүбүүн Либнии; Либниигэй хүбүүн Яахат; Яахадай хүбүүн Зиммаа; 21Зиммаагай хүбүүн Ёһаа, Ёһаагай хүбүүн Иддоо, Иддоогой хүбүүн Зээрах, Зээрахай хүбүүн Еһатэрай. 22Кэһаадай үринэр: тэрэнэй хүбүүн Амминадааб, Амминадаабай хүбүүн Коорах, Коорахай хүбүүн Ассиир; 23Ассиирэй хүбүүн Элканаа, Элканаагай хүбүүн Эбиасаап, Эбиасаапай хүбүүн Ассиир; 24Ассиирэй хүбүүн Таахат, Таахадай хүбүүн Үриһээл, Үриһээлэй хүбүүн Уззияа, Уззияагай хүбүүн Саул. 25Элканаагай хүбүүд: Амасай ба Ахимоот. 26Ахимодой хүбүүн Элканаа, Элканаагай хүбүүн Цопай, Цопайн хүбүүн Наахат; 27Нахадай хүбүүн Элиааб; Элиаабай хүбүүн Ероһаам, Ероһаамай хүбүүн Элканаа; 28Самуилай хүбүүд: ууган хүбүүн Ёһээл, хоёрдохинь Абияа. 29Мэрариин үринэр: Маһлии, тэрэнэй хүбүүн Либнии, Либниигэй хүбүүн Шимэй, Шимэйн хүбүүн Уззаа; 30Уззаагай хүбүүн Шимаа, Шимаагай хүбүүн Хаггияа, Хаггияагай хүбүүн Асайяа.

31Эзэнэй Һүмэ соо ханзын табигдаһан сагһаа хойшо дуушадай ударидагшаар Давидай табиһан хүнүүд эдэ мүн. 32Иерусалимда Соломооной Эзэнэй Һүмэ бодхоохын урда тэдэнэр Уулзалгын майхан һүмын урда дуушадаар алба хэдэг байгаа. Тэдэнэр өөрын онсо заабаряар албаяа ябуулдаг байһан. 33Алба ябуулагшад ба тэдэнэй хүбүүд гэбэл, Кэһаадай үри һадаһад сооһоо Ёһээлэй хүбүүн, дуушан Һэмаан бэлэй. Ёһээлэй эсэгэ Самуил, 34Самуилай эсэгэ Элканаа, Элканаагай эсэгэ Ероһаам, Ероһаамай эсэгэ Элиээл, Элиээлэй эсэгэ Тооһаа, 35Тооһаагай эсэгэ Цүүп, Цүүпэй эсэгэ Элканаа, Элканаагай эсэгэ Махаат, Махаадай эсэгэ Амасай, 36Амасайн эсэгэ Элканаа, Элканаагай эсэгэ Ёһээл, Ёһээлэй эсэгэ Азаарияа, Азаарияагай эсэгэ Цэпаанияа, 37Цэпаанияагай эсэгэ Таахат, Таахадай эсэгэ Ассиир, Ассиирэй эсэгэ Эбиасаап, Эбиасаапай эсэгэ Коорах, 38Коорахай эсэгэ Ицһаар, Ицһаарай эсэгэ Кэһаат, Кэһаадай эсэгэ Леви, Левиин эсэгэ Израиль. 39Һэмаанай баруун талада зогсогшо аха дүү гэбэл, Асаап. Асаапай эсэгэ Бэрэхияа, Бэрэхияагай эсэгэ Шимаа, 40Шимаагай эсэгэ Михаээл, Михаээлэй эсэгэ Баасэйа, Баасэйагай эсэгэ Маалхияа, 41Маалхияагай эсэгэ Этнии, Этниигэй эсэгэ Зээрах, Зээрахай эсэгэ Адаяа, 42Адаяагай эсэгэ Этаан, Этаанай эсэгэ Зиммаа, Зиммаагай эсэгэ Шимэй, 43Шимэйн эсэгэ Яахат, Яахадай эсэгэ Гэршоом, Гэршоомой эсэгэ Левий болоно.

44Мэрариин үринэр, Һэмаанай зүүн талада зогсоошо аха дүү гэбэл, Этаан бэлэй. Этаан Кишиин хүбүүн, Кишии Авдиин, Авдии Маллуухай, 45Маллуух Хашаабияагай, Хашаабияа Амацияагай, Амацияа Хилкияагай, 46Хилкияа Амциин, Амции Баниин, Бании Шээмэрэй, 47Шээмэр Маһлиин, Маһлии Мушиигай, Мушии Мэрариин, Мэрарии Левиин хүбүүн. 48Тэдэнэй аха, дүүнэр левидүүд Бурханай майхан гэртэ элдэб албангуудта томилогдоһон юм.

49Израилиин алишье талаһаа арюун сэбэр байлгые Бурханай богоол Моисейн заабарилһанай ёһоор, Аһароон болон тэрэнэй хүбүүд Хамагай Нангин газарта элдэб мүргэлнүүдые бүтээхэһээ гадна, түгэс шатаалта үргэлэй шэрээ дээрэ тахилай үргэл шатаадаг, уталгын шэрээ дээрэ сан санзай ууюулдаг, мүн бэшэшье үргэлнүүдые бэелүүлдэг байгаа. 50Аһарооной үри һадаһад: Эльазаар; тэрэнэй хүбүүн Пинэһаас; Пинэһаасай хүбүүн Абишууа; 51Абишууагай хүбүүн Букки; Буккиин хүбүүн Уззи; Үззиин хүбүүн Зэраахияа; 52Зэраахияагай хүбүүн Мэрайһоот; Мэрайһоодой хүбүүн Амарияа; Амарияагай хүбүүн Ахитууб; 53Ахитуубай хүбүүн Цадоок; Цадоогой хүбүүн Ахимаац мүн.

54Тэдэнэй мэдэлэй һуурин тосхонуудай байра байдал Кэһаадай угай Аһарооной хүбүүдтэ жээрэбэй гуримаар үгтөө, 55Иудын газартахи Хэброониие, мүн тэрэнэй хажуудахи хүдөө нютагуудые мэдэлдэнь үгөө; 56Епуннээгэй хүбүүн Халээбтэ энэ хото, мүн хажуудахи тосхонуудые газартайнь үгэбэ. 57Аһарооной хүбүүдтэ иимэ хотонууд үгтөө: Хэброон, Либнаа, мүн Яттиир, Эштэмооһа хотонуудай хажуудахи тосхонууд газартайгаар, 58Хилээз, Дэбиир хотонууд тосхонуудтайгаар, 59Ашаан болон Бэт-Шээмэш хотонууд хажуудахи нютагуудтайгаар, 60харин Бэньямиинэй обогһоо Гээбэ хотые тосхонуудтайгаарнь, Алэмээт хотые тосхонуудтайгаарнь, Анатоот хотые тосхонуудтайгаарнь тэдэнэй мэдэлдэ үгөө: тэдэнэй отог зоной мэдэлдэ байһан хотонууд бүхыдөө арбан гурбан болоо. 61Мэнашшээгэй обогой хахадһаа арбан хото Кэһаадай угай бусад хүбүүдтэ жээрэбэй ёһоор үгтэбэ. 62Иссахаарай, Ашээрэй, Напталиигай, Башаанда һуудаг Мэнашшээгэй обогуудһаа Гэршоомой хүбүүдэй бүлэнүүдтэ арбан гурбан хото үгтөө. 63Рэүбээнэй, Гаадай болон Зэбүлүүнэй обогуудһаа арбан хоёр хото Мэрариин хүбүүдэй бүхы бүлэнүүдтэ жээрэбэй ёһоор үгтөө. 64Израильшууд иигэжэ левидүүдтэ хото һууринуудые тойроод байгааша бэлшээритэйнь үгөө болоно.

65Иигэжэ тэдэнэр эдэ дээрэ нэрлэгдэһэн хотонуудые тосхонуудтайгаарнь Бэньямиинэй, Симеоной, Иудын отогуудһаа жээрэбэй ёһоор таһалан үгөө.

66Эпрааимай обогһоо Кэһаадай зарим хүбүүдтэ хотонууд таһалагдан үгтөө. 67Тэдэнэртэ үгтэһэн хотонууд гэбэл: Шэхээм хото Эпрааимай хада дээрэхи тосхонуудтайгаар, Гээзэр хото тосхонуудтайгаар, 68Ёкмэһаам, Бэт-Һороон бэлшээри газартайгаарнь, 69Аялоон, Гаат-Риммоон хотонууд бэлшээриин газартайгаарнь; 70Мэнашшээгэй обогой хахад зоной газарһаа Анээр, Балаһаамые тосхонуудтайгаар таһалагдаа; Кэһаадай эсэгын зарим хүбүүдтэ энэ хабаатай.

71Гэршоомой хүбүүдтэ Мэнашшээгэй изагуурай хахадһаань Башаандахи Голаан тосхонуудтайгаарнь, мүн Аштароот тосхонуудтайгаар үгтөө. 72Иссахаарай обогһоо Кээдэш тосхонуудтайгаарнь, Дабэраат хажуудахи тосхонуудтайгаар, 73мүн Рамоот болон Анээм тосхонуудтайгаар; 74Ашээрэй обогһоо Машаал, Абдоон тосхонуудтайгаар, 75Хуккоок болон Рэһооб тосхонуудтайгаар; 76Напталиигай обогһоо Галилейдэхи Кээдэш тосхонуудтайгаар, Хаммоон, Кириатааим тосхонуудтайгаар үгтөө.

77Харин Мэрариин бусад хүбүүдтэ Зэбүлүүнэй обогһоо Риммоон болон Табоор хотонууд тосхонуудтайгаар үгтөө. 78Рэүбээнэй обогһоо сүл губида оршодог Бээцэр тосхонуудтайгаар, Яаһцаа тосхонуудтайгаар; Иорданай таладахи Ерихооной шанха урдахи мүн Иорданһаа зүүлжээ нэмжыһэн дайда; 79мүн Кэдэмоот болон Мэпаат хотонууд тосхонуудтайгаар; 80Гаадай обогһоо Галаадтахи Рамоот, Маханааим тосхонуудтайгаар; 81мүн Хэшбоон, Язээр тосхонуудтайгаар үгтөө.