1 Timothy 3
Һүзэглэгшэдэй бүлгэмэй хүтэлэгшэд
1Һүзэглэгшэдэй бүлгэмэй хүтэлэгшэ болохые һанаһан хүн дэмбэрэлтэ һайхан хэрэг һанаашалаа гэдэгынь үнэн гээшэ. 2Гэхэтэй сасуу һүзэглэгшэдэй бүлгэмэй хүтэлэгшэ ямаршье гэмгүй, гансал һамгатай ▼▼ Үгы һаа нэгэл дахин һамга абаһан байха ёһотой.
, ухаансар, бэеэ баридаг, ехэ томоотой, аяншадые угтажа абадаг, хүнүүдые һургаха абьяастай, 3архиншан бэшэ, дошхон зангүй, номгон даруу зантай, эб найрамдалда дуратай, алта мүнгэ тоодоггүй, 4гэр бүлэдөө һанаагаа табидаг хүн байха ёһотой, тэрэнэй үхибүүдынь үгыень дууладаг, хүндэлдэг байха ёһотой. 5Гэр бүлэдөө һанаагаа табидаггүй хүн яажа Бурханай һүзэглэгшэдэй бүлгэмые анхаржа шадахаб. 6Тэрэ хүн Эзэндэ һаял һүзэглэһэн зоной дундаһаа табигдаха ёһогүй, тиигээ һаа, тэрэ хамараа дээшэнь үргөөд, һүүлдэнь шолмостой хамта буруушаагдажа магадгүй. 7Тиихэдээ муугаар хэлүүлхэгүйн тула, шолмосой һабарта орохогүйн тула тэрэ хүн һүзэглэгшэдэйнгөө бүлгэмһөө гадна зоной дунда хүндэтэй байха ёһотой. Һүзэглэгшэдэй бүлгэмэй туһалагшад
8Һүзэглэгшэдэй бүлгэмэй туһалагшад баһал һайхан зантай, билдагуушалдаггүй хүнүүд байха ёһотой. Тэдэ үзэмэй дараһан архинда болон алта мүнгэндэ шунахай бэшэ, 9һүзэгэйнгөө элирүүлһэн үнэн зүбые һэшхэлтэйгээр баримталха ёһотой. 10Тиимэ хүнүүдые түрүүн туршаад, тэдэнэй шалгалтаяа бариһан хойнонь алба хэхэ эрхэ тэдэндэ даалгажа болохо. 11Тэдэнэй һамгадыньшье ▼▼ Һүзэглэгшэдэй бүлгэмэй туһалагша эхэнэрнүүд тухай хэлэгдэһэн байжа магадгүй.
һайхан зантай, хоб-жэб зөөдэггүй, архинша бэшэ, ямаршье юумэндэ этигэл найдабаритай байха ёһотой. 12Һүзэглэгшэдэй бүлгэмэй туһалагша гансал һамгатай байха ▼▼ Үгы һаа нэгэл дахин һамга абаһан байха ёһотой.
, үхибүүдтээ, гэр бүлэдөө һанаагаа табижа байха ёһотой. 13Ажалаа һайн хэжэ байһан туһалагшад нэрэ түрэтэй болохо, Христоос Иисүүстэ найдаһан һүзэг тухайгаа зоригтойгоор хэлэхэ аргатай байха. Һүзэг этигэлэймнай элирүүлһэн үнэн зүб
14Энэ бэшэгээ бэшэжэ һуухадаа, шамда һаядаа ошохоб, шамтай уулзахаб гэжэ найданаб. 15Хэрбээ минии һаатабал, үнэн зүбэй тулга ба түшэг болохо амиды Бурханай һүзэглэгшэдэй бүлгэмдэ, али Бурханай гэртэ яажа бидэ өөһэдыгөө абажа ябаха ёһотойбибди гэжэ энэ бэшэг сооһоо мэдэжэ байхаш. 16Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ,Тэрэнэй үнэн зүб байһыень Арюун Һүлдэ харуулаа,
Тэрэ Өөрыгөө Эльгээмэлнүүдтэ харуулаа.
Арадуудай дунда Тэрээн тухай номноо,
бүхы газар дэлхэйн зон Тэрээндэ этигээ,
тиигээд Тэрэ тэнгэридэ дэгдээ.
Copyright information for
BxrBBL2024