‏ 2 Chronicles 4

Һүмын хэрэгсэлнүүд

(3 Хаан 7:23-51)

1Соломоон хаан үргэлэй гуулин шэрээ бүтээлгэбэ. Тэрэнэй ута-үргэниинь аб адлихан, хорин тохой, харин үндэрынь арбан тохой һэн.

2Тэрэ гуулин түмэрөөр томо түхэреэн амһарта бүтээжэ, Далай гэжэ нэрлэбэ. Утаашаа тэрэ арбан, гүнзэгынь табан, тойруулан гушан тохой хэмжүүртэй һэн. 3Тэрэ далайн эрмэг тойруулан бухын хүрэгөөр шэмэглэлнүүд хэгдээ. Арбан тохой хэмжүүртэй Далайе тэдэ хоёр шугамаар бүһэлжэ, Далайтай нэгэн ниитэ мэтээр шудхаатай байгаа. 4Тэрэ далай арбан хоёр шудхамал буха дээрэ тодхоотой: гурбаниинь хойто зүг руу, гурбаниинь баруун, үшөө гурбан урда, мүн лэ гурбан зүүн зүгүүд руу харанхай бэлэй. Далай тэдээн дээрэ табяатай, бухануудай уусанууд досоошоо, түб руугаа эрьенхэй байгаа. 5Далайн амһартын хана альганай шэнээн зузаан, захань аягын эрмэгтэл, һалбарһан бадма сэсэг мэтээр надхаад байна. Тэрэ далай гурбан мянган баата уһанай багтаамжатай байгаа. 6Угааха арбан амһарта тэрэ хүүлэжэ, таба табаар хоёр талаар табюулба. Түгэс шатаалта үргэл үргэхэ юумэн тэндэ зайладаг һэн. Далай соо санаартад бэеэ угаадаг байгаа.

7Хэхэ ёһотой хэм соонь арбан алтан дэнгэй табюур хаан хүүлэжэ, нангин үргөө соо табяад, таба табаар хоёр талаар табюулба. 8Арбан алтан шэрээ бүтээлгэжэ, нангин үргөө соо таба табаар хоёр талаар тэрэ табюулаа бэлэй. Шуһа сүршэхэ алтан зуун аяга мүн лэ тэрэ хүүлэбэ.

9Хоёр хашаа Соломоон барюулба: нэгэнь санаартадай хашаа; нүгөөдэнь үргэн гэгшын дотор хашаа, тэрээн руу орохо үүдэнүүд гуулин түмэрөөр дабтаһан байгаа. 10Тэрэ Далайе баруун талада, Һүмын зүүн урда зүгтэ табюулаа һэн.

11Хураам-Абии тогоо, хүрзэхэнүүдые, сүршэхэ аягануудые дархалба. Хураам-Абии Соломоон хаанай захиралтаар Бурханай гэртэ хэжэ байгааша бүхы ажалаа дүүргээ бэлэй. Тэрэнэй бүтээһэн хэрэгсэлнүүдые онсолон дахин нэрлэбэл: 12хоёр бахана; бахананууд дээрэ табюур; тэдэ табюурнуудые хушаһан шүүмэр; 13шүүмэрнүүд дээрэ дүрбэн зуун сүмбэрүү сэсэг, хоёр шугамаар шүүмэр бүхэн дээрэ; 14табюурнууд, тэдээн дээрэ угаалгын һабанууд; 15нэгэ далай, мүн далайе тэлэн үргэгшэ арбан хоёр буха; 16тогоо, хүрзэхэнүүдые, һэрээ тэрэ хээ. Соломоон хаанай захиралтаар Эзэнэй Һүмэдэ зорюулаатай эдэ бүхы хэрэгсэлнүүдые Хураам-Абии гуулин мэлигэр түмэрөөр хээ бэлэй. 17Иордан голой хажууда, Суккоот болон Цэрэдаа хоёрой хоорондо шабар дүрсэнүүд руу гуулин шудхан тэдэ бүтээлнүүд хаанай захиралтаар бүтээгдээ һэн. 18Иигэжэ Соломоон хаанай захиралтаар хэрэгсэлнүүд угаа олоор хэгдэжэ, хэды шэнээн гуулин түмэрэй гаргашалагдаһые мэдэхын аргагүй байгаа бэлэй.

19Бурханай гэрэй үшөө бусад хэрэгсэлнүүдые Соломоон хаан дархалуулба: үргэлэй алтан шэрээ, Эзэнэй урда табигдадаг талхан үргэлэй шэрээнүүдые; 20хамагай нангин газарай урда носоодог ёһоор носоохо дэнгүүдые табюурнуудтайнь сэбэр алтаар; 21сэсэгүүдые, дэнгүүдые, хабшуурнуудые – булта эгээл шанартай шэжэр алтаар; хайша, сүршэдэг аяга, уталгын амһарта, бойпуурнуудые, хайруул сэбэр алтаар. Хамагай нангин газар руу ородог дотор үүдэнүүд, мүн Һүмын гол таһалгын үүдэнүүдшье алтаар хэгдэнхэй байгаа.22