‏ 2 Chronicles 34:29-33

Ёшияа арад зон Бурхан хоёрой хоорондохи хэлсээе шэнээр батална

(4 Хаан 23:1-3)

29Тиихэдэ хаан Иерусалимай ба Иудын бүхы аха захатадые тэрээндэ сугларан ерэхэ захиралта үгэбэ. 30Тэрэ Эзэнэй һүмэдэ оробо. Тиихэдэнь бүхы Иуда ба Иерусалимда ажаһуугшад, санаартад, лүндэншэд болон бага ехэгүй арад зон барандаа тэрэнэй хойноһоо дахажа, Эзэнэй һүмэдэ оробо. Хаан Эзэнэй һүмэдэ олдоһон Хэлсээ баталгын хуйламал бэшэг тэдээндэ уншажа үгэбэ. 31Хаан өөрынгөө газарта зогсоод, Эзэниие дахан ябаха, энэ ном соо бэшээтэй хэлсээнэй үгэнүүдые бэелүүлхын тула һургаал заабаринуудынь, захиралтануудынь, хуули ёһонуудынь бүхы сэдьхэлһээ, үнэнхэ зүрхэнһөө сахин байха тушаа хэлсээ баталба. 32Иерусалимда болон Бэньямиинэй газар дайдада байгааша улад зониие бултыень иимэ найдуулга үгэхыень тэрэ захирба. Иерусалимай арад зон элинсэг хулинсагайнгаа Бурхантай баталһан хэлсээнэй ёһоор хэрэгүүдые эрхилдэг болобо.

33Израилиин арад зоной бүхы газар уһанһаа жэгшүүрилтэ муухай хүрэгүүдые Ёшияа зайсуулба, Израилиин дайдада байгаа бүхы зондо Эзэн Бурхандаа шүтэн мүргэхые захирба. Тэрэнэй амиды мэндэ байгаа сагта улад зон үбгэ эсэгэнэрэйнгээ Эзэн Бурханаа орхёогүй бэлэй.
Copyright information for BxrBBL2024