‏ Exodus 22

Эд зөөшэ тухай хуули

1Бэеынь өөртөө абажа болохо. 2Хэн нэгэн буха гү, али хони хулгайлаад, алаһан гү, али худалдаһан байбал, тэрэ нэгэ бухын түлөө табан буха ба нэгэ хониной түлөө дүрбэн хони үгэхэ ушартай.

3Хулгайшан юумэ хулууха үедөө баригдаад алуулаа һаа, алаһан хүниинь гэмгүй. 4Гэбэшье наранай гараһанай һүүлээр тиимэ юумэн болоо һаа, алагшань гэмтэй болохо. Хулгайшанай бусааха юумэ үгы һаань, өөрыень богоол болгожо худалдуужаг. 5Хулуулгаһан мал хулгайшанда амидыгаар олдоо һаань, хулгайшан нэгэ бухын, элжэгэнэй гү, али хониной түлөө хоёрые үгэхэ ёһотой.

6Хэн нэгэн таряалан гү, али уһан үзэмэй сэсэрлиг малаар гэшхүүлэн гэмтээбэл, өөрын таряалан, сэсэрлигһээ дээжыень абажа түлэхэ ёһотой.

Эд зөөри тухай хуулинууд

7Гал түймэр гаража, бухал боолтонуудыень, ургаса таряаень, таряалангай талмайень шатаабал, түймэр табиһан хүн түлэхэ ёһотой.

8Нэгэ хүнэй нүгөөдэдэ алта мүнгэ, эд хогшол хадагалуулһыень гэрһээнь хулууһан хулгайшан баригдабал, тэрэ хулгайшан хоёр дахин ехэ хэмжээгээр бусааха зэргэтэй. 9Харин хулгайшанай баригдаагүй һаань, хадагалһан хүн Бурханай урда хүнэй зөөридэ һанаархаагүйб гэжэ гэршэлхэ ёһотой.

10Буха сар, элжэгэн, хонин, хубсаһан гэхэ мэтэ алибаа үгы болоһон зөөри минии гэжэ хүнэй хэлэхэ хэрэг зарга Бурханда үзүүлэгдэхэ ёһотой. Хэниие Бурхан гэмтэй гэжэ тоолоноб, тэрэ хоёр дахин ехээр бусааха ёһотой.

11Нэгэ хүнэй нүгөөдэдэ элжэгэ, сар, хони гү, али ондоо мал харууһанда үгэхэдэнь, гэмэ боложо, тэрэнь үхэхэ, гэмтэхэ гү, али дайсанда намнуулан абаашаха ушарта гэршэлэгшын үгы байбал, 12хүнэй зөөридэ һанаархаагүйб гэжэ тэрэ харууһалагша хүн Бурханай урда тангариглаха ёһотой. Малай эзэн үлэһыень абуужаг, харууһалагшань гарза хүсэлдүүлхэ ёһогүй. 13Харин хулгайда ороо һаань, харагша хүн эзэндэнь тэхэрюулхэ ушартай. 14Анда эдюулээ һаань, үлэгшэ һэе һэбхүүлынь харуулхадаа, гарза тэхэрюулхэгүй.

15Нэгэ хүн нүгөөдэһөө мал ашаглаха гэжэ абаба гэлэй, абаһан эзэнэйнгээ үгыдэ тэрэнь гэмтэбэ, үхэбэ гэлэй, абагшань гарза тэхэрюулхэ уялгатай.

16Эзэнэй байхадань тиимэ юумэн болоо һаа, гарза тэхэрюулдэггүй. Зүгөөр малынь түлбэреэр ашаглагдаһан һаань, эзэн түлбэри абаха зэргэтэй.

Залуу басагантай хурисалай түлөө хэһээлтэ

17Эрэ хүн залуу басаганай толгойень эрьюулжэ хурисабал, тэрэнэй түлөө анза түлэхэ ба һамган болгожо абаха ёһотой.

Үхэлэй саазада хүртөөхэ буруу ябадалнууд

18Басаганай эсэгын басагаяа хадамда үгэхэ дурагүй һаань, хурисагша эрэ басаганай түлөө хэдые түлэхэ ёһотойень түлэхэ уялгатай.

19Эльбэшэ эхэнэрые амиды орхижо болохогүй.

20Мал амитантай хурисагшын ами хороохо ёһотой.

Үгытэй зондо энэрэл хайратай байха тухай

21Эзэнһээ ондоо бурхадта үргэл хэһэн хүн хараалда хүртэхэ, үгы хэгдэхэ ёһотой.

22Ерүүл зониие бү харшала, бү гомдохоо – таанад өөһэдөөшье Египедтэ ерүүл зон байһанта. 23Бэлбэһэн эхэнэр болон үншэдые бү харшала. 24Хашаха харшалха болоо һаатнай, тэдэ Намда хандаха, тэдэнэй гомдол дуулаа һаа, 25Би уурлажа, һэлмэ жадаар таанадые хадхажа алахаб! Танай һамгад эрэгүй, хүүгэдтнай үншэд болохол.

26Минии арад соо үгытэй хүндэ мүнгэ урьһалаа һаа, мүнгэ түрүүлэгшэ шэнги түрэсэ эрижэ бү бай.

27Хүнһөө субыень барисаанда абабал, наранай оротор бусааха ёһотойш – 28бэеэ хушаха хубсаһан тэрээндэ бэшэ үгы ха юм. Хайшан гээд унтаха юм? Тэрэ Намда хандахал – Би тэрэниие дуулахаб, юуб гэбэл, Би энэрхы сэдьхэлтэй мүн.

29Бурханиие бү муушала, арадайнгаа удамаршые хараажа бү бай.

30Уһан үзэмэй түрүүшын шүүһэ удаарангүй үргэдэг бай. Ууган хүбүүгээ Намда үгэхэ ёһотойш. 31Томо жэжэ малда тэрэ баһал хабаатай: долоон хоногто эхынгээ хажууда байг, наймадахи үдэртэ Намда тэрэниие үгэхэш. Таанад Минии хадаа арюун зон байха ёһотойт – ангай бариһан амитанай мяха бү эдигты, һэе һэбхүүлынь нохойдо үгэгты.