‏ Ezekiel 15

Иерусалим болбол хэндэшье хэрэггүй мүшэр мүн

1Эзэн намда иигэжэ айладхаба:

2– Хүнэй үри Эзэкээл! Үзэм модоной мүшэр бусад мододой мүшэрһөө юугээрээшье дээрэ бэшэ. 3Юушьеб дархалхын тула тэрээниие хэрэглэжэ боломоор гү? Хубсаһа хунар үлгэхэеэ хадааһашье тэрээгээр хэжэ болохоор гү? Үгы! 4Гансал гал түлихэдэ тэрэ хэрэгтэй. Хоёр үзүүрынь шатажа, дунда хэһэгынь нүүрһэн болоходо, тэрээгээр ямар нэгэн юумэ хэжэ боломоор гү? 5Бүрин бүтэн байхадань юумэ хэжэ боломоор бэшэ байгаа. Мүнөө галда шатаагдаад байхадаа тэрэ бүришье хэрэггүй болоол!

6Энэ болбол Эзэн Бурханай айладхал үгэнүүд:

– Ой сооһоо үзэмэй модо абажа, галда шатааһандал, Иерусалимай улад зониие абажа, гал руу хаяхаб! 7Хэһээхэб тэдэниие. Нэгэ гал дүлэнһөө гарахадаа, тэдэ нүгөө гал дүлэн руу орожо шатаагдаха. Минии тэдэниие хэһээжэ эхилхэдэ таанад Намайе Эзэн гээд мэдэхэт. 8Тэдэнэй Намда урбаһанай түлөө Би энэ орон нютагые зэлүүд хооһон газар болгохоб. Энэ болбол Би, Эзэн Бурхан, айладхаа мүн!
Copyright information for BxrBBL2024