‏ Ezra 2

Түрүүшын зөөдэлөөр Зэрубабээлтэй суг ерэгшэд

1– 2Вавилооной хаан Навуходоносорто дайгаар абтажа, хүсөөр Вавилоон абаашагдаад, тэндэһээ Зэрубабээлтэй, Иисүүстэй, Нэхэмьяатай, Сэраяатай, Рээлааяатай, Мордохайтай, Билшаантай, Миспээрэдтэй, Бигбайтай, Рэхүүмтэй, Баһанаатай хамта Иуда, Иерусалим болон өөр өөрынгөө хотонуудта бусажа ерэһэн израильшуудай нэрэй жагсаал иимэ: 3Пароошой уг – хоёр мянган зуун далан хоёр хүн, 4Шэпаатияагай уг – гурбан зуун далан хоёр, 5Араахай уг – долоон зуун далан таба, 6Паһаат-Моһаабай уг (Иисүүсэй, Ёһаабай үри һадаһад) – хоёр мянган найман зуун арбан хоёр, 7Элаамай уг – нэгэ мянган табан зуун дүрбэн, 8Заттуугай уг – юһэн зуун дүшэн табан, 9Заххайн уг – долоон зуун жаран, 10Баниин уг – зургаан зуун дүшэн хоёр, 11Бэбэйн уг – зургаан зуун хорин гурбан, 12Азгаадай уг – нэгэ мянган хоёр зуун хорин хоёр, 13Адонихаамай уг – зургаан зуун жаран зургаан, 14Бигбайн уг – хоёр мянган табин зургаан, 15Адиинай уг – дүрбэн зуун табин дүрбэн, 16Этээрэй уг (Хэзэкияагай үри һадаһад) – ерэн найман, 17Бэцайн уг – гурбан зуун хорин гурбан, 18Ёраагай хүбүүдһээ зуун арбан хоёр, 19Хашуумай уг – хоёр зуун хорин гурбан, 20Гиббаарай уг – ерэн табан, 21Бэтлэһээмдэ ажаһуугшад – зуун хорин гурбан, 22Нэтопааһаа гараашад – табин зургаан, 23Анатоодһоо гараашад – зуун хорин найма, 24Азмаавэдэй уг – дүшэн хоёр, 25Кирьяат-Еариимһээ, Хэпирааһаа, Бээроодһоо гараашад – долоон зуун дүшэн гурбан, 26Рамааһаа, Гээбэһээ гараашад – зургаан зуун хорин нэгэн; 27Михмаашһаа гараашад – зуун хорин хоёр, 28Бэт-Ээлһээ, Һайһаа гараашад – хоёр зуун хорин гурбан, 29Нэбоогой уг – табин хоёр, 30Магбиишай уг – зуун табин зургаан, 31нүгөө Элаамай уг – нэгэ мянган хоёр зуун табин дүрбэ, 32Хариимай уг – гурбан зуун хорин, 33Лоодой, Хадиидай, Оноогой уг – долоон зуун хорин таба, 34Ерихооной уг – гурбан зуун дүшэн таба, 35Сэнаагай уг – гурбан мянган зургаан зуун гушан.

36Санаартад: Едаяагай уг (Иисүүсэй үри һадаһад) – юһэн зуун далан гурбан, 37Иммээрэй уг – нэгэ мянган табин хоёр, 38Пашхуурай уг – нэгэ мянган хоёр зуун дүшэн долоон, 39Хариимай уг – нэгэ мянган арбан долоон.

40Левидүүд: Иисүүсэй болон Кадмиһээлэй уг (Һодэбаагай үри һадаһад) – далан дүрбэн хүн, 41дуушад: Асаапай уг – зуун хорин найман хүн, 42Үүдэнэй харуулшад: Шаллуумай уг, Этээрэй уг, Талмооной уг, Аххуубай уг, Хатиитаагай уг, Шобайн уг – хамтадаа зуун гушан юһэн хүн.

43Һүмын зарасанар: Цихаагай уг, Хасупаагай уг, Таббаһоотын уг, 44Хэрээсэй уг, Сиаһаагай уг, Падооной уг, 45Лэбаанай уг, Хагабаагай уг, Аххуубай уг, 46Хагаабай уг, Шалмайн уг, Ханаһаанай уг, 47Гиддээлэй уг, Гаахарай уг, Раһаяагай уг, 48Рэциинэй уг, Нэходаагай уг, Газзаамай уг, 49Уззаагай уг, Пасээхэй уг, Бэсайн уг, 50Аснаагай уг, мэүүншүүдэй уг, нэписиимүүдэй уг, 51Бахбуугай уг, Хакупаагай уг, Хархуурай уг, 52Бацлуудай уг, Мэхидаагай уг, Харшаагай уг, 53Бархоосой уг, Сисэраагай уг, Тээмаагай уг, 54Нэциһаагай уг, Хатипаагай уг.

55Соломооной богоолнуудай уг: Сотайн уг, Сопээрэдэй уг, Пэрудаагай уг, 56Яалаагай уг, Дархооной уг, Гиддээлэй уг, 57Шэпаатияагай уг, Хаттиилэй уг, Похээрэт-Һаццэбаһиимэй уг, Амиигай уг.

58Һүмын албатан, Соломооной богоолнуудай үри һадаһад – бүхыдөө гурбан зуун ерэн хоёр хүн.

59Тээл-Мээлаа, Тээл-Харшаа, Хэрүүб, Аддаан, Иммээр хотонуудһаа гараһан аад, Израильһаа гараһан уг гарбалаа гэршэлжэ шадаагүй хүнүүд гэбэл, 60Дэлайяагай уг, Тобияагай уг, Нэходаагай уг – зургаан зуун дүшэн хоёр хүн.

61Тэдэнһээ гадна санаартадһаа гэбэл: Хабайяагай уг, Һаккооцой уг, мүн Барзиллайн уг. Барзиллай бол Галаад нютагай Барзиллайн басагадай нэгые һамган болгоод, нэрэдэнь ороһон түүхэтэй. 62Тэдэнэр угай бэшэгүүдые бэдэрээд, тэдээн соо өөһэд тухайгаа тэмдэглэл олобогүй, тиигээд тэдэниие санаартадай хэргэмһээ хаһаба. 63Санаартанай урим ба туммим дээрэ үзэл үзэжэ, Бурханай хүсэл мэдэхын урда тэдэнэр нангин үргэлһөө эдихэ эрхэгүй гээд засаг баряаша хэлэбэ.

64Энэ бүлэгтэ бүхыдөө дүшэн хоёр мянга гурбан зуун жаран хүн гээд тоологдоно, 65богоолнууд, шэбэгшэнүүдгүйгөөр, – тэдэнэй тоо долоон мянга гурбан зуун гушан долоондо хүрөө, үшөө тиихэдэ хоёр зуун дууша эрэшүүл болон эхэнэрнүүд, 66долоон зуун гушан зургаан морин, хоёр зуун дүшэн табан луус, 67мүн дүрбэн зуун гушан табан тэмээн, зургаа мянга долоон зуун хорин элжэгэн тоологдоһон байна.

68Бусажа ерэһэн угуудай гулбаанарай зариман Иерусалимдахи Эзэнэй һүмые һуури дээрэнь бодхоохо гэжэ һайн дураараа үргэл хэбэд. 69Һүмэ барилгын санда тэдэнэр өөһэдынгөө арга боломжоор жаран нэгэн мянга драахма алта, табан мянга миина сагаан мүнгэ, санаартадай үмдэхэ зуун хубсаһа хунар үргэбэ.

70Санаартад, левидүүд, дуушад, үүдэнэй харуулшад, һүмын зарасанар гэхэшэлэн бүхы зон, бүхы израильшууд өөһэдынгөө хотонуудта ажаһуудаг болобо.