‏ Isaiah 35

Арюун зам

1Зэлүүд хооһон газар, хуурай сүл губи баярлан,
тэндэ сэсэгүүд һалбархал.
 2Зэлүүд хооһон газар сэнгэн баясажа, баяртайгаар хашхаран хуугайлан байха.
Ливаанай хада ууладал энэ угаа һайхан,
Кармээл болон Шарооной таряалангуудтал үрэжэлтэ баян болохо.
Хүн бүхэн Эзэнэй ялас гэмэ оршол,
һүр жабхалан адаглан хараха.

3Тэнхээгүй гарые хүсэтэй болгон,
һуларһан үбдэг бата болгогты.
 4Аймхай зондо иигэжэ хэлэгты:
«Зоригтой байгты, бү айгты!
Таанадые абархаяа, дайсадыетнай хэһээхэеэ
Бурхан хүрэжэ ерэхэнь».

5Залархадань, һохор хүнэй нюдэн нээгдэхэ,
дүлии хүн дуулажа эхилхэ.
 6Дохолон хүн буга мэтэ собхоржо эхилхэ,
хэлэгүй хүн баяртайгаар хашхарха.
Уһан элһэн сүл губяар урдаха.
 7Хатаһан газар сөөрэм боложо,
ангаһан газараар уһан урдажа,
сүүбэн шонын унтадаг газарнуудаар
хулһан, зэгсэнүүд ургаха.

8Тэндэ нэгэ ехэ харгы зам бии боложо,
«Нангин арюун зам» гэжэ нэрлэгдэхэ.
Тэрээгээр нүгэлтэй нэгэшье хүн ябахагүй,
ямаршье тэнэг хүн энэ замаар ябагшадые төөрюулхэгүй.
 9Тэндэ нэгэшье арсалан ябахагүй,
ямаршье мяхаша ан арьяатан гаража ерэхэгүй.
Эзэнэй абарһан зон лэ
тэрэ харгыгаар гэртээ бусан ябаха.
 10Тэдэ Иерусалим руу
баяртайгаар хашхаралдан ерэхэ.
Уй гашуудал, һанаа алдалга
оро һэегүй үгы боложо,
баяртай, аза жаргалтай тэдэ
хэтэ мүнхэдөө болохо.
Copyright information for BxrBBL2024