Isa 4 | BxrBBL2024 | STEP | Долоон эхэнэрэй нэгэ эрэ хүндэ аһалдан, «бидэ өөһэдөө өөһэдыгөө тэдхэдэг, хубсалуулдаг байхабди, гансал таниие манай үбгэн гээд нэрлэдэг болохымнай зүбшөөгыт, үбгэгүй байхадаа, нэрээ гутанхай, доромжолуулжа байнабди» гэжэ хэлэхэ саг дүтэлжэ байна.

‏ Isaiah 4

1 Долоон эхэнэрэй нэгэ эрэ хүндэ аһалдан,

«бидэ өөһэдөө өөһэдыгөө тэдхэдэг, хубсалуулдаг байхабди,
гансал таниие манай үбгэн гээд нэрлэдэг болохымнай зүбшөөгыт,
үбгэгүй байхадаа, нэрээ гутанхай, доромжолуулжа байнабди»
гэжэ хэлэхэ саг дүтэлжэ байна.

Иерусалим һэргээгдэхэ

2 Тэрэ үдэр Эзэнэй мүшэр гоё һайханаар, алдар солоор толоронхой бии болохо, газарай хэшэг Израилиин амиды мэндэ үлэгшэдтэ бахархал, гоо һайханиинь болохол. 3 Сиондо амиды мэндэ үлөөшэд, Иерусалим соо амиды үлэгшэд, юрэдөө, амиды зоной тоодо Иерусалимда бэшэгдэнхэй бүхы зон гэгээн гээд нэрлэгдэхэ. 4 Өөрынгөө галта хүсөөр Эзэн Сионой басагадһаа муу муухайень шүүбэрилэн угааха, Иерусалимые шуһанһаань сэбэрлэхэ. 5 Тиигээд Сионой уулаар болон тэндэ сугларагшад дээгүүр Эзэн үдэртөө үүлэ, һүниндөө утаа, дүлэлзэһэн гал түхөөхэ. Эзэнэй алдар соло бүхы хотые бүрхөөн, халхалан байха. 6 Энэ халхабша үдэрэй ааяма халуунһаа аршалха, һүүдэр болохо, шуурга, бороонһоо хорохо газар, нэмэри болон байхал.