Jer 45 | BxrBBL2024 | STEP | Ёшияагай хүбүүн Ёякиимэй Иудын хан түрые дүрбэдэхи жэлээ зонхилжо байха үедэ минии хэлэһэн үгэнүүдые Нэрияагай хүбүүн Баруух ном соо бэшээ. Би тэрээндэ

‏ Jeremiah 45

Баруухта Эзэнэй найдуулга

1 Ёшияагай хүбүүн Ёякиимэй Иудын хан түрые дүрбэдэхи жэлээ зонхилжо байха үедэ минии хэлэһэн үгэнүүдые Нэрияагай хүбүүн Баруух ном соо бэшээ. Би тэрээндэ 2 Израилиин Эзэн Бурханай иигэжэ айладхал буулгаһые хэлээ һэм:

– Баруух, 3 ши «би ехэ муу байнаб! Зоболон дээрэм үшөө зоболон Эзэн нэмээгээ. Ёолохошье хүсэ шадалгүй болооб, хэзээ дүүрэхэ юм гээшэб!» – гэнэш.

4 Харин Би, Эзэн, байгуулһанаа һандаргаахаб, һуурижуулһанаа татан хаяхаб! Бүхы газарта иимээр хандахаб! 5 Ши гансал өөртөөл эмшэлгэ, арга эринэ гүш? Бү тиигэ. Хамаг амитанда гай тодхор татахадам, ши амиды мэндэ хаанашье ябахаш. Энэ болбол Би, Эзэн, айладхана мүн!