Jeremiah 8
1Тэрэ үедэ Иудын хаашуулай, ноёдойнь, санаартадай, лүндэншэдэй, Иерусалимай ажаһуугшадай яһануудые зон булашаһаань гарган хаяха. 2Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ. 3Харин амиды мэндэ үлэһэн зон, энэ муу муухай угсаатанай үлдөөсэ зон, амиды байхаһаа үхэһэмнай дээрэ гэжэ тоолохо. Минии тэдэниие үлдэн гаргаһан бүхы газарта амиды мэндэ үлөөшэдынь тиигэжэ һанахал. Энэ болбол Би, Түмэн Сэрэгтэ Эзэн, айладхана мүн!Нүгэлэй түлөө хэһээлтэ
4Эзэн Өөрынь арад түмэндэ иигэжэ хэлэхыемни захираа: – Хүн унабал, дахин бододоггүй юм гү? Харгыһаа хадуурбал, һөөргөө бусадаггүй юм гү? 5Юундэ таанад, Иерусалимай улад зон, Намһаа буруу хараһан харгыгаараа саашаал дугташажа байнабта? Таанад шүтөөнүүдөө орхихо дурагүй, Намда бусахаяа арсанат. 6Би һайса шагнааб, теэд таанад үнэн сэхэеэ хэлэнэгүйт. Хэншье муу муухай хэрэг тухайгаа гэмшээгүй. Хэншье «Би юу буруу хээбиб?» гэжэ һураагүй. Тулалдаан руу дабшан орожо байһан мориндол адли хүн бүхэн өөрын шэглэлээр ябаһаар лэ байна. 7Хилэн шубууншье хүрэтэрөө бусаха сагаа мэдэдэг. Түүтэй шубуун, хараасгай болон тохорюун аянай сагаа ойлгодог. Харин таанад, Минии арад зон, ёһо гуримыемни мэдэнэгүйт. 8«Сэсэн мэргэмди, Эзэнэй хуулинуудые мэдэнэбди» гэжэ таанад яажа хэлэжэ шаданабта? Харыт, хуулинуудни худал бэшээшэдээр хубилгагдаад байнал. 9Сэсэн мэргэн тэдэ зон нэрээ хухараа, мэгдэшоо, баригдаа, Эзэнэй үгэ тэдэ буруушааба – тиихэдээ тэдэ мэргэн ухаатай болоно гү? Үгы. 10Тиимэһээ Би һамгадыень бусад зондо, тэдэнэй таряалангуудые шэнэ эзэдтэ үгэхэб. Юуб гэбэл, тэдэ бултадаа, бага, ехэгүй, ашаг олзо олохо гэжэ шунанхай. Лүндэншэнһөө эхилээд, санаартан хүрэтэр зониие мэхэлнэ. 11Минии арад зоной шархые оройдоол багахан шулгархай мэтээр эмшэлнэ. «Бүхы юумэн һайн» гэлдэхэ, харин һайн юумэн үгыл. 12Арад зомни, өөһэдынгөө үйлэдэһэн жэгшүүритэй юумэнһээ таанад эшэнэ гээшэ гүт? Үгы! Таанад оройдоошье эшэнэгүйт. Яажа улайдагыешье мэдэхэгүй байнат. Тиимэһээ бусад арадтай адли унан һалахат. Шүүбэрилхэ сагтам таанад һалгаагдахат! Энэ болбол Би, Эзэн, тунхаглана мүн! 13Тэдэнэй ургасые үгы хэхэб. Үзэм жэмэсэй эшэ дээрэ нэгэшье үзэм үлэхэгүй, инжирэй модон дээрэ инжир бултадаа үгы болохо, набша хагдарха. Минии тэдэндэ үгэһэн газар нютагшье тэдэнэй бэшэ болохо. 14Зон һабир-шэбэр хоорондоо хөөрэлдэнэ: – Юундэ бидэ амгалан һуужа байнабибди? Суглараад, бүхэлэлтэтэй хотонууд руу ошожо, тэндэ амгалан байдал амжаял! – Эзэнэй урдаһаа нүгэл үйлэдэһэндэмнай Тэрэ маанадай үхэхые тодорхойлоо, хоротой уһа уухыемнай үгөөл! 15Амгалан тайбаниие хүлеэһэмнай, ямаршье һайн юумэн ерэбэгүй. Бурхан бидэниие хүлисэхэ гэжэ найдаһамнай, аймшагтай юумэн болобо. 16Дайсаднай – Даанай хотонуудта! Моридойнь турьяхые дуулаабди. Адуунайнь инсагаалха абяанһаа бүхы газар доһолно. Дайсад ерэжэ, орон нютаг, тэндэ байгааша бүхы юумэ, хото болон ажаһуугшадыень залгин һалгаахань. 17«Үзөөрэйгты, Би таанадай урдаһаа могойнуудые, ямаршье шэбшэлгээр шэбшэгдэхэгүй хорото могойнуудые эльгээхэм. Тэдэ таанадые хадхаха», – гэжэ Эзэн тунхаглажа байна.Арад тухайгаа Ерэмияагай сэдьхэл зобоно
18Минии уй гашуудал эдэгэшэгүй,зүрхэ сэдьхэлни үбдэнэ.
19Шагныт! Арад зоноймнай
алас холын оронһоо:
«Эзэн Сиондо бэшэ байхагүй гээшэ гү?
Сионой Хаан тэндээ үгы юм гү?»
гэжэ хашхархань дуулдана.
Эзэн тэдээндэ иигэжэ харюусаа:
«Шүтөөнүүдтэ мүргэжэ,
аша туһагүй хариин бурхадта зальбаржа,
таанад Минии уур сухал хүргөөт.
Юундэ тиигээбта?»
20Улад зон хашхаралдана:
«Ургаса хуряаха саг үнгэрөө, зун дууһаа.
Харин бидэ абарагдаагүйбди».
21Арад зонойнгоо зобоходо,
зүрхэ сэдьхэлни зобоно.
Уйдхартай барагар байнаб,
угаа һүрдэнхэй ябанаб.
22Галаадта ▼
▼ Галаад – Иордан голой саада тээ байдаг хизаар орон, эм домоороо мэдээжэ.
эм дом байгаал ааб даа.Тэндэ эмшэн байгаал бэзэ.
Теэд юундэ минии арад түмэн
эдэгэхэгүй байгаа гээшэб?!
Copyright information for
BxrBBL2024