‏ Job 14

1Эхэнэрһээ гараһан хүнэй наһан богони, тэрэнэй үтэлхэнь түргэн. Амидарал гээшэ түбэгтэй. 2Һалбаран дэльбыһэн сэсэг хурдан хоршыдог. Оройн һүүдэр түргэн хатадаг. Хүнэй амидарал тэрээндэ адлихан. 3Иимэ амитадые үзэжэ, шиидхэл хубаахань Танда хэрэгтэй юм гү?

4Бузар юумэнһээ арюун байдал гарахагүй. Хүн гээшэ түрэлхиин бузартай амитан. 5Хүнэй наһанай хэмжээе тогтоожо үгэһыетнай хэн ондоо болгожо шадахаб? 6Зарсыншье ажалда дууһаха саг байдаг ха юм, хүндэ үхэн үхэтэрынь сүлөө үгэхэгүй гээшэ гүт?

7Ургажа байгаа модые отолбошье, үндэһэнһөө дахин ургажа болодог. 8– 9Модоной үндэһэн хатабашье, бороогой ороходо һэргэдэг юм. 10Хүн гээшэ модондо адли бэшэ. Нэгэл удаа үхэхэдөө, дүүрээ. Үхэһэн хүнэй хаана ошодогыень хэн хэлэжэ шадахаб?

11Нуурай уһанай дундаран хооһорходо, голой уһанай шэргэжэ хатаһантай адли 12хүн гээшэ үхөөд, дахин бодожо ерэдэггүй. Тэнгэри дэлхэйн һүнэн һүнэтэр тэрэ нойрһоо һэрихэгүй.

13Эзэн минии! Үхэлэй орондо намайе нюужа, Танай уур хилэнсэгэй бууратар намайе үхүүлээд, болзолһон сагта бодхоожо ярилдаха байгаат. 14Үхэһэн хүниие амилуулжа шадаха бэзэт. Зоболон бэрхэшээлэй үдэрнүүдэй хубилтар би хүлеэхэб. 15Дуудаһан сагта би бодожо ерээд, харюу үгэбэлни, өөрын гараар бүтээһэн намайе үзэхэдөө, эрхэ бэшэ өөгшөөжэ магадгүйт. 16Тиигээд хэһэн бүхыемни нарибшалан шалгажа, нүгэлтэ хэрэг намда тохонгүй, 17сумаа соо шуудайлһан мэтэ хойшонь хээд мартажашье магад.

18Гэбэшье бороогой уһан уула нураадаг, хада шулуу хахалдаг, 19үерэй уһан хүрьһэ шорой эбдэдэг. Тэрээншэлэн Та хүнэй найдал аажамханаар таһалдаг байнат. 20Хүсэтэ Танай эсэргүүсэл хүн удаан тэсэхэгүй. Аалихан доройтоһоор амидаралһаа халин зайладаг. 21Үри хүүгэдэйнгээ доройтохо өөдэлхые тэрэ мэдэхэгүй, гомдолыень тараан хайрлаха аргагүй. 22Өөрынь лэ бэе сэдьхэлэй зоболон үбшэн бэеынь эзэмдэдэг.
Copyright information for BxrBBL2024