‏ Job 17

1Урма зоригни хухаржа, үдэр хоногуудни дууһажа, удахагүй хуурсагта орохоо бодожо байнам. 2Тойрон хамаг зон намайе наадалжа байна. Хараха нюдөө огто аняагүй сагтаа энээнииел үзэхэ хубитай болооб.

3Та Өөрөө минии түлөө барисаа баталжа гэм зэмэгүй гэжэ гэршэлыт. Танһаа ондоо хэншье намтай иимэ хэлсээ баталжа шадахагүй. 4Та тэдэнэй ухааень балартуулаат, ушар тиимэһээ тэдэндэ бахархал бү үгыт. 5Олзо ашагай түлөө нүхэдтөө туһалаагүй хүнэй үри хүүгэдынь нюдэ һохор болодог гэлсэгшэ. 6Тэрэ намайе хохирооходоо энэ үгые баталһан мэтэ. Намайе бултанай наадан болгоод, хүнүүд нюуртам нёлбожо байна. 7Уйдхар зоболондо абтаһан би хооһон агаар шэртэжэ, бэе мүсэмни һүүдэр шэнги болоол. 8Үнэн шударга зон энээниие гайхан, Бурханда этигээгүй ябадалай гай гэжэ буруу тайлбарилна. 9Үнэн шударга зон замһаа хадуурхагүй, гэмгүй хүнүүд хүсэ нэмэхэ. 10Өөһэдыгөө зүб гэжэ тоолодог тэдэ минии урда сугларбал, хэниинь мэргэн ухаатайб гэжэ би хэлэжэ шадахагүйб.

11Удахагүй би үхэжэ һалахаб. Хүсэһэн түлэблэһэн олон юумэмни хэзээшье бэелхэгүй, үгы болохо. 12Амидаралайм харанхыда ороходо, анда нүхэдни үдэр гэхэ юм. Гэрэлтэ үдэр ерэнэ гэжэ тэдэ сэдьхэл заһабашье, шэб харанхы шэгээрээ. 13Хуурсагай нүхөөр би гэр хэжэ, тэндэл унтажа амархамни. 14– 15Хуурсагтай нүхэндэ хандажа, «ши минии эсэгэ» гэжэ, үтэн хорхойнуудта хандажа, «таанар минии эхэ эгэшэ» гэжэ хэлэдэг болоходом, минии найдалда хэн анхарха юм? 16Бэемни булагдаашье һаа, найдални булагдахагүй юм бэзэ.
Copyright information for BxrBBL2024