‏ Job 25

Билдаадай гурбадахи үгэ

1Шууһаа отогой Билдаад Иоовто хандан хэлэбэ:

2– Хамагые захирагша Бурханиие хүн бүхэн хүндэлхэ ёһотой. Тэрэ тэнгэридэ байгаад, юртэмсые гуримшуулан эблүүлдэг. 3Хэн Тэрэнэй хүсэтэ сэрэгэй тоо гаргажа шадахаб? Тэрэнэй гэрэл ямар хүн дээрэ тудангүй үнгэрнэб? 4Хэн Тэрэнэй урда огто гэмгүй гэгдэхэб? Эхэнэр хүн сэбэр байха гү? Хүн түрэлтэн соо тиимэ хүн байхагүй. 5Тэрэнэй урда гэрэлтэ һарашье харанхы, одо мүшэдшье ялагар бэшэ байхадань, 6хорхой мэтэ хүн гээшэ Тэрэнэй урда ямар байлтайб даа.
Copyright information for BxrBBL2024