Job 41
1Тэрэниие барижа номгоруулна гэжэ бодохошье аргагүй. Харахадаа, зүрхэ алдахаар. 2Тэрэниие уурлуулхаһаа түбэгшөөхэгүй хүн гэжэ байхагүй. Тиимэ һэн хойноо минии урда хэн ерэжэ эсэргүүсэжэ шадахаб? 3Намһаа урид тэрэ амитаниие номгоруулһан хүндэ шагнал үгэхэб. Хүхэ тэнгэриин доро оршодог юумэн хуу Минии. 4Левиатан гэжэ тэрэ амитан тухай бодоходоо, тэгшэ бэе, шадал тэнхээ тухайнь хэлэхэһээ бэшэ юумэн үгы. 5Хэн тэрэнэй хубсаһанай захаһаа үргэжэ шадахаб? Хэн тэрээндэ хазаар углахаб? 6Хэн тэрэнэй хурса шүдэтэй амые ангайлгахаяа зүрхэлхэб? 7– 8– 9Нюргандань сэрэгэй хуягуудые зэргэлүүлэн табиһан мэтэ харагдадаг, хоорондонь агааршье орохо зай байхагүй. 10Тэрэнэй найтаахань сахилгаан сахилһан мэтэ һүрөөтэй. Нюдэниинь мандажа байһан наран мэтэ. 11Аманһаань гал дүлэн гаража, ошо бутарһандал үзэгдэнэ. 12Хамарынь бусалжа байһан уһатай тогоонһоо уурал һабһаха мэтэ харагдадаг. 13Амилхадань аманһаань гараһан галһаа нүүрһэ носоожо болохоор. 14Адар хүсэтэ хүзүүтэй тэрэниие хараһан бүхэн үхэтэрөө айна. 15Олон дабхар мяханиинь булшан шүрбэһөөр нягта холбогдожо, 16тээрмын шулуун мэтэ хатуу зоригыень элишэлнэ. 17Энэ дэлхэйн хамагай шадалтай хүнүүдшье тэрээнһээ айн шэшэрнэ. 18Тэрээндэ эсэргүү байлдаха гэбэл, һэлмэ жада, һурша, хуяг хэрэгтэй бэшэ. 19Хүхэ түмэр тэрээндэ үбһэнэй һолоомо мэтэ, хүрэл зэбсэг үмхирһэн модон мэтэ. 20Харбаһан һуршаһаа тэрэ дальтирхагүй. Шэдэһэн шулууе таряанай хальһан гэжэ тоолоно. 21Мунса модые һолоомо гэжэ һанадаг, шэдэһэн жадын эшхэрээнһээ энеэдэниинь хүрэхэ. 22Гэдэһэниинь хахархай шаазанай эри шэнги, ябахадань газар шорой анзаһаар хахалагдаһан мэтэ болодог. 23Тэрэнэй умбан ороходо, нуурай уһан бусалһан тогоон мэтэ бурьялна, далайн уһан хоро эдьхэһэн уһатай горшоогтой эрьюулгэ мэтэ хуйлана. 24Араһаань уһан арьялан, сагаан хөөһэн хахарна. 25Энэ дэлхэйдэ тэрээн шэнги зориг шадалтай амитан байхагүй. 26Амитадай хаан энэ гэжэ дэлхэйн бултанһаа бардам амитаншье хэлэдэг.
Copyright information for
BxrBBL2024