‏ Joshua 12

Моисейн илаһан хаашуул

1Израилиин хүбүүдэй хюдан даража, Иорданай нүгөө талада наранһаа зүүн тээшэ, Арнооной урадхалһаа Хэрмоон хада хүрэтэр, зүүн тээшэнхи бүхы тала өөрын эдлэл болгожо абаһан газарнуудайнь хаашуул энэ:

2Хэшбоондо байһан, Арнооной урадхалай эрьедэхи Ароһээрһээ, дунда урадхалһаа Галаадай хахадые аммоонуудай хилэ Яббоогой урадхал хүрэтэр, 3зүүн тээшээ Хиннээрэтэй далай, Дабһата далай хүрэтэр, зүүн тээшээ Бэт-Ешимоот ошоһон харгыгаар, Пиисгаа уула шадарай зарим газарые урагшаа эзэлжэ байһан эмоорой хаан Сиһоон.

4Тэрээнэй хүршэ Оог, Башаанай хаан, рэпаиимүүдэй һүүлшын хаан Аштароодто ба Эдрейдэ байһан, 5Хэрмоон хадын ба Салэхаагай, Гэшүүрэй ба Маһахаагай хилэ хүрэтэр бүхы Башаанай, Хэшбооной хаан Сиһооной хилэ хүрэтэр Галаадай хахадай эзэн.

6Эзэнэй богоол Моисей ба Израилиин хүбүүд тэдээниие алаа; тиигээд Эзэнэй богоол Моисей газарыень Рэүбээнэй ба Гаадай обогуудай ба Мэнашшээгэй обогой хахадай уламжалха эдлэл болгожо үгөө.

Иисүүсэй илаһан хаашуул

7Иисүүсэй ба Израилиин хүбүүдэй сохиһон Иорданай энэ талада Ливаанай хүнды талын Бааһал-Гаадһаа, Сэһиир тээшэ һунаһан Халака хада хүрэтэрхи Эмоорой газарай хаашуул доро тоологдоно. Энэ газарые Иисүүс Израилиин обогуудта хубаажа, угай эдлэл болгожо үгөө.

8Энэ газар хада дээрэ, доро хотогорто, тэгшэ талада, хадын ташаланда, элһэн губидашье, урда зүгтэшье нэмжынэ; хээдүүдэй, эмооршуудай, ханаһаануудай, пэриззиинүүдэй, хиивүүдэй ба евүүсүүдэй хаашуул:

9Ерихооной нэгэ хаан, Бэт-Ээлэй хажуудахи Һайн нэгэ хаан,

10Иерусалимай нэгэ хаан, Хэброоной нэгэ хаан,

11Ярмуудай нэгэ хаан, Лахиишэй нэгэ хаан,

12Эглооной нэгэ хаан, Гээзэрэй нэгэ хаан,

13Дэбиирэй нэгэ хаан, Гадээрэй нэгэ хаан,

14Хормаагай нэгэ хаан, Араадай нэгэ хаан,

15Либнаагай нэгэ хаан, Адуллаамай нэгэ хаан,

16Маккэдаагай нэгэ хаан, Бэт-Ээлэй нэгэ хаан,

17Таппууһаагай нэгэ хаан, Хээпэрэй нэгэ хаан,

18Апээгын нэгэ хаан, Шарооной нэгэ хаан,

19Мадооной нэгэ хаан, Хацоорой нэгэ хаан,

20Шимроон-Мэрооной нэгэ хаан, Ахшаапай нэгэ хаан,

21Таанаахай нэгэ хаан, Мэгиддооной нэгэ хаан,

22Кээдэшэй нэгэ хаан, Кармээлэй дэргэдэхи Ёкнэһаамай нэгэ хаан,

23Напоот-Доорой дэргэдэхи Доорой нэгэ хаан, Гилгаалай Гойиимэй нэгэ хаан,

24Тирцаагай нэгэ хаан. Бүхыдөө гушан нэгэн хаан бэлэй.