‏ Joshua 19

Симеоной угсаатан Иудын угсаагай газарай дунда газар абаба

1Хоёрдохи жээрэб угсаагаарнь илгаһан Симеоной хүбүүдэй обогто, Симеондо тудаба; тэдээнэй хубаари Иудын үхи хүбүүдэй хубаариин дунда байгаа.

2Тэдээнэй хубаарида Бэһээр-Шээбэ, үгыш һаа, Шэбаа, Моладаа, 3Хацаар-Шуһаал, Балаа ба Ээцэм, 4Элтолаад, Бэтүүл ба Хормаа, 5Циклааг, Бэт-Мархабоот ба Хацаар-Сусаа, 6Бэт-Лэбаһоот ба Шарүһээн: арбан гурбан хото сэлеэнүүдтэеэ.

7Ааин, Риммоон, Ээтэр ба Ашаан: дүрбэн хотонууд сэлеэнүүдтэеэ. 8Эдэ хотонуудые тойроод, Баһалаат-Бээр, үгыш һаа, урда Рамаа хүрэтэр байһан бүхы сэлеэнүүд. Симеоной хүбүүдэй обогой угсаагаарнь хубааһан хубита иимэ. 9Иудын хүбүүдэй хэсэгһээ Симеоной хүбүүдэй обогто хубаари үгтөө. Иудын хүбүүдэй хэсэг тэдээндэ дан ехэ байһан ушарһаань Симеоной хүбүүд тэдээнэй газарай дунда хубаари абаа.

Зэбүлүүнэй угсаатанай мэдэлэй газар

10Гурбадахи жээрэб Зэбүлүүнэй хүбүүдтэ угсаагаарнь буугаа. Тэдээнэй хубаариин хилэ Сариид хүрэтэр үргэлжэлөө. 11Тэдээнэй хилэ далай тээшэ, Маралээ тээшэ үгсэжэ, Даббээшэдтэ ба Ёкнэһаамай урдахи урадхалда тулгана; 12Сариидһаа һөөргөө зүүн талада, наранһаа зүүн тээшэ ошожо, Хислоот-Табоорой хилэ хүрэнэ; эндэһээ Дабэраат тээшэ ошожо, Япииһа өөдэ үгсэнэ. 13Эндэһээ зүүн тээшээ Гаат-Хээпэр, Эт-Кациин руу ходоржо, Риммоон, Нэһаа хото тээшэ ошоно. 14Тиигээд хилэ хойноһоо Ханнатоон тээшэ годиржо, Иптаах-Ээлэй хүндыдэ дууһана. 15Саашаа Каттаат, Наһалаал, Шимроон, Идалаа ба Бэтлэһээм. Хамтадаа арбан хоёр хотонууд сэлеэнүүдтэеэ.

16Эдэ хото сэлеэнүүд Зэбүлүүнэй хүбүүдтэ угсаагаарнь үгтэһэн хубаари мүн.

Иссахаарай угсаатанай мэдэлэй газарнууд

17Дүрбэдэхи жээрэб Иссахаарай обогто, угсаагаарнь Иссахаарай үри һадаһадта буугаа. 18Тэдээнэй заха хилэ гэбэл: Езрээл, Хэсүллоот ба Шүнээм, 19Хапарааһим, Шиһоон ба Анахараат, 20Раббиит, Кишиһоон ба Ээбэц, 21Рээмэт, Эн-Ганниим, Эн-Хаддаа ба Бэт-Пацээц. 22Тиигээд хилэнь Табоорто, Шаһацуумаада, Бэт-Шээмэшдэ тулгажа, Иорданай хажууда дууһана. Хамтадаа арбан зургаан хото сэлеэнүүдтэеэ.

23Эдэ хото сэлеэнүүд Иссахаарай үри һадаһадай угсаагаараа хубаажа абаһан хубита газарнууд мүн.

Ашээрэй угсаатанай мэдэлэй газарнууд

24Табадахи жээрэб Ашээрэй обогто, тэдээнэй угсаагаар тудаа. 25Тэдээнэй һууха газар һууринууд гэбэл, Хэлкаат, Халии, Бээтэн ба Ахшаап; 26Аламмээлэх, Амаад ба Мишаал; тиигээд хилэ баруун талаһаань Кармээлдэ, Шиһоор-Либнаадта тулгана; 27тиигээд һөөргөө наранай зүүн тээшэ Бэт-Дагоон руу ошожо, Зэбүлүүндэ, Иптаах-Ээлэй хүндыдэ тулгана, Бэт-Ээмэк ба Нэйһээл хүрэжэ, Кабуулай хажуугаар зүүн талаһаань гарана; 28саашаа Абдоон, Рэһооб, Хаммоон ба Канаа, агууехэ Сидоон хүрэтэр; 29тиигээд хилэ Рамаа тээшэ бусажа, Тиир гэдэг бэхилэгдэһэн хото хүрэнэ, Хосаа тээшэ годиржо, далай шадар, Ахзииб гэдэг газарта дууһана; 30саашаа Уммаа, Апээк ба Рэһооб гэһэн хамтадаа хорин хоёр хото сэлеэнүүдтэеэ болоно.

31Эдэ хото сэлеэнүүд Ашээрэй обогой угсаагаарнь хубааһан хубита мүн.

Напталиигай угсаатанай мэдэлэй газарнууд

32Зургаадахи жээрэб Напталиигай үри һадаһадта, тэдээнэй угсаануудаар тудаа. 33Тэдээнэй хилэ Хээлэпһээ ба Цаананниимэй ойһоо гараад, Адами-Нээкэб ба Ябнээл тээшэ ошожо, Лаккуум хүрөөд, Иордан шадар дууһана; 34эндэһээ хилэ баруун тээшээ Азноот-Табоорто бусаад, тэндэһээ Хуккоок тээшэ ошожо, урдаһаань Зэбүлүүндэ тулгана, баруун тээһээнь Ашээртэ, Иорданай хажууда наранай зүүн тээһээ тулгана. 35Бэхилэгдэһэн хотонууд: Циддиим, Цээр, Хаммаат, Раккаат ба Хиннээрэт, 36Адамаа, Рамаа ба Хацоор, 37Кээдэш, Эдрей ба Эн-Хацоор, 38Ироон, Мигдаал-Ээл, Һорээм, Бэт-Анаат ба Бэт-Шээмэш. Хамтадаа арбан юһэн хотонууд сэлеэнүүдтэеэ болоно.

39Эдэ хото сэлеэнүүд Напталиигай обогой угсаагаараа хубаажа абаһан хубаари мүн.

Даанай угсаатанай мэдэлэй газар

40Даанай обогто угсаагаарнь долоодохи жээрэб тудаа. 41Тэдээнэй эзэмшэхэ газар нютагууд гэбэл, Цораа, Эштаһоол ба Ир-Шээмэш, 42Шаалаббиин, Аялоон ба Итлаа, 43Элоон, Тимнаа ба Экроон, 44Элтэкээ, Гиббэтоон ба Баһалаат, 45Еһүүд, Бэнээ-Бэраак ба Гаат-Риммоон, 46Мэ-Яркоон ба Раккоон Яафын хажуудахи можотоёо хамта. Даанай үри һадаһадай газарнууд тэдээндэ багадаба. 47Тиигээд Даанай хүбүүд Лээшэмдэ дайгаар ошоод эзэлээ; һэлмээр хюдажа, газарынь болгон абажа, тэндэ һуурижаа. Тиигээд Лээшэмые Даан гэжэ үбгэ эсэгынгээ нэрээр нэрлээ.

48Эдэ хото сэлеэнүүд Даанай обогой угсаагаараа эзэмшэхэ хубита газар мүн.

Иисүүс Тимнаат-Сээраа абаба

49Газарай хубаари дууһахада, Израилиин хүбүүд дундаа Нүүнэй хүбүүн Иисүүстэ хубитые үгөө: 50Эзэнэй зарлигаар тэрээндэ Эпрааимай хада дээрэхи өөрэйнь гуйһан Тимнаат-Сээраа хотые үгөө. Тэрэ хото баряад, зосоонь байдаг болоо.

51Шажанай албата Эльазаарай, Нүүнэй хүбүүн Иисүүсэй, обогой дарганарай Шилоодо, Эзэнэй нюур дээрэ суглаанай майхан һүмын үүдэндэ Израилиин хүбүүдэй обогуудта жээрэбээр хубааһан хубита хубааринууд иимэ. Тиигээд тэдэ газар хубаалгые дүүргээ.