‏ Joshua 4

Иорданай оёорой арбан хоёр шулуун

1Бүхы зоной Иорданиие гаталхада, Эзэн Иисүүстэ айладаба:

2– Зоной дундаһаа арбан хоёр хүниие, обог бүхэнһөө нэгэ хүниие абагты, 3тиигээд тэдээндэ зарлиг үгөөд хэлэгты: «Иорданай тэг дундаһаа, шажанай албатанай хүлэй хүдэлэнгүй зогсоһон газарһаа арбан хоёр шулуу абаад, энэ һүни хонохо газартаа табигты».

4Иисүүс Израилиин хүбүүдһээ томилһон, обог бүхэнэй нэгэ хүниие дуудаад, 5тэдээндэ айладаба:

– Эзэнэй, танай Бурханай ханзын урда Иорданай тэг дунда ошоод, тэндэһээ хүн бүхэн Израилиин обогуудай тоогоор нэгэ нэгэ шулуу абаад, мүр дээрээ табигты. 6Тэдэ танай туг болохо ёһотой; хойшонхи үеын танай хүбүүдэй: «Эдэ шулуун юундэ танда байгааб?» – гэжэ танһаа һурахада, 7«Эзэнэй Иорданиие гаталхада, Тэрээнтэй баталһан хэлсээнэй ханзын урда Иорданай уһанай хубаарһанай дурасхаалда байгаа», – гэхэт; тиимэһээ эдэ шулуунууд Израилиин хүбүүдтэ хэтэ мүнхэдөө дурасхаалай хүшөө болохо.

8Израилиин хүбүүд бүгэдые Иисүүсэй захирһан ёһоор хээ: Эзэнэй Иисүүстэ хэлэһээр Иорданһаа арбан хоёр шулуу, Израилиин обогуудай тоогоор абаад, хонохо газартаа абаашажа, хажуудаа табяа. 9Ондоо арбан хоёр шулуунуудые Иисүүс Иорданай тэг дунда, хэлсээнэй ханза үргэжэ ябаһан шажанай албатанай хүлэй зогсоһон газарта табяа. Тэрэ шулуунууд мүнөөшье тэндэ бии.

10Ханза үргэжэ ябаһан санаартан Моисейн захяагай ёһоор зондо хэлээрэй гэжэ Эзэнэй Иисүүстэ захирһанай ёһоор бүхы юумэнэй дууһатар Иорданай урда зогсожо байгаа; арад зон яаран голые гаталжа байгаа.

11Бүхы зоной Иорданиие гаталхада, Эзэнэй захяагай ханзашье гараа, шажанай албатан зоной урда ябаа.

12Рэүбээнэй хүбүүд, Гаадай хүбүүд, Мэнашшээгэй обогой хахад зэбсэг баряад, Моисейн хэлэһэн ёһоор Израилиин хүбүүдэй урда гараа. 13Дүшэ мянга тухай тэмсэлэй зэбсэгтэн тэмсэхын тула Эзэнэй урдуур Ерихооной тала руу гараа.

14Тэрэ үдэр Эзэн бүхы Израилиин хараһаар байтар Иисүүсые алдаршуулаа; бүхы наһан соонь Моисейһээ айһандал адли булта тэрээнһээ айдаг болоо.

15Эзэн Иисүүстэ иигэжэ хэлээ:

16– Хэлсээнэй ханза үргэжэ ябаһан санаартанда Иорданһаа гарахыень захира.

17Иисүүс шажанай албатанда:

– Иорданһаа гарагты, – гэжэ захираа.

18Эзэнтэй баталһан хэлсээнэй ханза тэлэжэ ябаһан санаартанай Иорданһаа гарахада, тэдэнэй хүлэй үльмын хуурай газар гэшхэхэтэй адли Иорданай уһан һаба руугаа хааян, үсэгэлдэр, гурбан үдэрэй саана урдагшадаал адли эрьеһээ халин урдаба.

19Зон Иорданһаа гараад, нэгэдэхи һарын арбанай үндэр майхан хүреэгөө Гилгаалда, Ерихооной зүүн талада табяа. 20Иорданһаа абаһан арбан шулуугаашье Иисүүс Гилгаалда табяа. 21Тиигээд Израилиин хүбүүдтэ иигэжэ хэлээ:

– Хойшонхи сагта танай хүбүүдэй «Эдэ шулуунууд ямар удхатайб?» гэжэ эсэгэнэрһээ һурахада, 22«Израиль энэ Иорданиие хуурай газараар гаталаа» гэжэ хүбүүдтээ хөөрөөрэйгты. 23Яагаад бэ гэхэдэ, Эзэн, танай Бурхан танда Иорданай уһа хатаагаад, танай гаратар хүлеэгөө, тиигэжэ баһал Эзэн, танай Бурхан Хулһата далайе танай гаратар хатаагаа. 24Газар дэлхэйн бүхы арадууд Эзэнэй гарай хүсэтэйе мэдэг, ямаршье сагта Эзэнһээ, танай Бурханһаа һүрдэг гэжэ тиигээ.