‏ Lamentations 5

1Эзэн! Бидэнтэй юу болоһые һаныт!
Маанадай доромжологдоһониие харыт, үзыт!
2Маанадай уг залгамжалха зөөри хариин зондо,
гэрнүүднай гадаадын уласта үгтэбэ.
3Бидэ үншэн болообди, эсэгээ алдаабди,
эхэнүүднай – бэлбэһэн эхэнэрнүүд.
4Балгам уһанай түлөө мүнгэ түлэнэбди,
өөрын түлеэнэй түлөө түлэнэбди.
5Бидэниие мүрдэн намнаашад хүзүүндэмнай хүрэжэ байна,
эсэтэрнай ажал хүүлэнэ, амархын арга байхагүй.
6Эдеэ эрижэ, Египет руу гараа һунгаабди,
Ассириие гуйгаабди.
7Эсэгэнэрнай нүгэл хээ, тэдэ мүнөө үгы.
Харин бидэ гэмэйнь түлөө хэһээгдэжэ байнабди.
8Богоолнууд маанадые зонхилжо байна,
тэдэнэй гарһаа маанадые абарха хэншье байхагүй.
9Эдеэ хоолой түлөө ами наһаяа аюулда оруулнабди,
сүл губиин һэлмэ бидэндэ занажа байна.
10Арһамнай зуухада шаруулһандал хара,
үлэсхэлэн байдал тэрэниие харлуулаа.
11Сиондо эхэнэрнүүд, Иудын хотонуудта басагад
хүсөөр эдлүүлэгдэнэ.
12Дайсад удамаршадымнай үлгэн алаа,
аха захатанииемнай хүндэлнэгүй.
13Залуу эрэшүүл тээрмэдэ ажаллана,
эдир хүбүүд бүдэртэрөө түлеэ зөөнэ.
14Хотын бартаануудай хажууда
ахатан һуунагүй, залуушуул дуулалданагүй.
15Зүрхэнэймнай баяр замхаба,
хатарнай уй гашуудалаар һэлгэгдэбэ.
16Толгойһоомнай титим унаа!
Нүгэл хэһэнэймнай түлөө гай тодхор болоо!
17Тиимэһээ зүрхэмнай муудажа,
хараамнай һуладажа байна.
18Сион хада эзэгүйрөө,
сүүбэн шононууд тэндэ ябана.
19Эзэн! Та хэтэ мүнхэдөө захиран байнат!
Хан шэрээтнай үеһөө үедэ оршоно!
20Юундэ Та маанадые орхёобта?!
Иимэ удаан маанад тушаа мартаабта?!
21Эзэн! Маанадые Өөр тээшээ эрьюулыт, бидэ эрьехэбди!
Урдандаал адли үдэрнүүдыемнай бусаагыт!
22Али Та маанадһаа эсэслэн татагалзажа,
маанадта хэмгүй ехээр уурлаа гээшэ гүт?!