Luk 6:1-5 | BxrBBL2024 | STEP | Нэгэ субботодо Иисүүс шабинартайгаа таряалангаар үнгэржэ ябаа. Шабинарынь таряанай залаа таһалан, альган дээрээ үйрүүлээд, орооһыень эдибэ.

‏ Luke 6:1-5

(Мт 12:1-8; Мк 2:23-28)

1 Нэгэ субботодо ^{▼▼ Еврейнүүдэй ажал хэхэ ёһогүй үдэр.} Иисүүс шабинартайгаа таряалангаар үнгэржэ ябаа. Шабинарынь таряанай залаа таһалан, альган дээрээ үйрүүлээд, орооһыень эдибэ.

2 – Субботодо хэжэ болохогүй юумэ юундэ хэнэбта? – гэжэ фарисейнүүдэй зариманиинь хэлэбэ. 3 Иисүүс тэдэндэ иигэжэ харюусаа һэн:

– Давид хаанай хамта ябалсагшадтайгаа үлэсхэлэн ябахадаа юу хэһэн тухайнь таанар уншаагүй аалта? 4 Давид хаан Бурханай гэртэ ороод, үргэлэй хилээмэ абажа эдеэд, суг ябаһан хүнүүдтээ үгэһэн байна. Харин санаартанһаа ондоо хэншье тэрэ хилээмэ эдихэ эрхэгүй байгаа. 5 Саашань Иисүүс: – Хүн түрэлхитэнэй Хүбүүн субботыншье Эзэн мүн, – гэжэ нэмэбэ.