‏ Matthew 8:28-34

Иисүүс ада шүдхэртэ барюулһан хоёр хүниие эдэгээбэ

28Далайн нүгөө бэедэ оршодог Гадаара хотын шадар тамаржа ерээд, замаар ябатарнь, ада шүдхэртэ барюулһан хоёр хүн үхэһэн хүнүүдые хүдөөлүүлдэг агы нүхэн сооһоо гаража, Иисүүстэ ойртобо. Тэдэ хоёрой ехэл галзуу гайтай хадань, тэрэ харгыгаар хэншье ябахаяа зүрхэлдэггүй байгаа. 29Тиигээд тэдэ галзуу амитад:

– Ай, Бурханай Хүбүүн, Та маанадтай юу хэхэ һанаатайбта? Та маниие сагһаа урид хэһээхэеэ иишэ ерэбэ гүт? – гэжэ хашхаралдаба.

30Тэндэһээ холохон һүрэг ехэ гахайнууд бэлшэжэ байба.

31– Хэрбээ маниие энэ хүнүүдэй бэеһээ намнажа гаргаха гээ һаа, тэрэ гахайн һүрэгтэ ошохыемнай зүбшөөгыт, – гэжэ ада шүдхэрнүүд Иисүүсые гуйба.

32– Ошогты, – гэжэ Иисүүсэй хэлэхэдэнь, ада шүдхэрнүүд үнөөхи хоёрой бэеһээнь гараад, гахайн һүрэгтэ оробо. Тиихэдэнь бүхы гахайн һүрэг хабсагайн хүбөөһөө далай руу һүрэжэ, үхэбэ.

33Гахай манаашад тэндэһээ гүйлдэжэ, хото ошоод, ушарһан бүхы юумэн тухай, мүн ада шүдхэртэ барюулһан хүнүүдтэй юу тохёолдоһон тухай хөөрэбэ. 34Тиихэдэнь хотын хамаг зон Иисүүсые угтахаяа гараба. Тэрэниие хараад, нютагһаань гаража ошохыень гуйба.
Copyright information for BxrBBL2024