Nehemiah 1
1Хахальяагай хүбүүн Нэхэмьяагай үгэнүүд.Нэхэмьяа Иерусалим тушаа шанална
Хоридохи жэлэй ▼▼ Артагсээрэгсэй хааншалгын хоридохи жэлдэ. Хислээб – ноябрь-декабрь.
хислээб һарада Сүүзэ хэрэмдэ би байгааб. 2Минии аха дүүнэрэй нэгэн Ханаани Иудын хүнүүдтэй хамта тэндэ ерэбэ. Иерусалим тухай, богоолшолгоһоо амиды үлэһэн иудейнүүд тухай тэдэнһээ асуубаб. 3Тэдэнэр иигэжэ харюусаба: – Баряанһаа амиды бусаашад тэрэ газарта аргагүй хүшэр хүндэ байдалда, ехэ доромжолго доро байна. Иерусалим һандаргагданхай, үүдэнүүдынь галдагданхай. 4Эдэниие дуулаад, би һуугаад бархирбаб. Би хэдэн үдэр соо гашуудалда абтажа, масаглажа байгаад, Огторгойн Бурханда мүргэбэб, 5хэлэбэб: – Агууехэ, һүрөөтэ Огторгойн Эзэн Бурхан! Танай захяануудые бэелүүлэгшэдтэй, Танда үнэн зүрхэнһөө дурлагшадтай, үнэн сэхэ Танай хэлсээе наринаар бэелүүлэгшэдтэй баталһан Хэлсээгээ сахин дүүргэнэт. 6Өөрынгөө зарамалай мүргэлые шагнахын тула шэхэнтнай һонор, нюдэнтнай нээлтэтэй байг лэ! Израилиин нүгэлнүүдэй түлөө, Израилиин хүбүүдэй, Танай зарасануудай түлөө үдэр һүнигүй мүргэхыемни дуулыт. Танай урда бидэ нүгэлтэйбди; минии бүхы угсаатан, мүн бишье нүгэлтэйб. 7Өөрынгөө зараса Моисейдэ Танай үгэһэн зарлиг, хуули, тогтоолнуудые бидэ сахижа шадаагүйбди, Танай урда бидэ ехэ зэмэтэйбди. 8Гэбэшье Өөрын богоол Моисейдэ иигэжэ айладаһанаа һаныт: «Хэрбэеэ таанадай урбабал, Би таанадые арадуудай хоорондо сасан тараахаб. 9Хэрбэеэ таанад Намда хандажа, Минии зарлиг наринаар сахин бэелүүлжэ эхилбэлтнай, тэнгэриин захадашье байбалтнай, би таанарые шэлэһэн газартаа асархаб, Минии нэрэ тэндэ мэдээжэ болохо». 10Өөрынгөө бата гараар, Өөрынгөө агуу хүсөөр тэдэниие Та сүлөөлөөлта, тэдэнэр Танай арад, Танай зарамалнууд лэ! 11Гуйнаб Таниие, Эзэмни! Танай нэрын урда һүгэдэхые хүсэһэн зарасынгаа гүйлтада, Танай зарасануудай гүйлтануудта, Эзэмни, шэхэеэ табин шагныт. Энэ хүнэй урда байхадам, Өөрынгөө энэрэл хайра намда үршөөгыт, Өөрынгөө зарасада туһалыт! Би тэрэ үедэ хаанай архи аягалагша байгааб.
Copyright information for
BxrBBL2024