‏ Nehemiah 11

Иерусалимай ажаһуугшад

1Хүтэлбэрилхы удамаршад Иерусалимда ажаһуудаг болобо, харин бэшэ зон жээрэбэй ёһоор иигэжэ тодоруулбад: арбанай нэгэ хуби нангин хото Иерусалимда, юһэн хубинь ондоо хотонуудта үлэбэд. 2Арад зон Иерусалимда һайн дураараа ажаһууха бологшодые үреэбэ.

3Иерусалимда ажаһуудаг ороной хүтэлбэрилхы угуудай гулбаанар эдэнэр болоно. (Харин Иудын хотонуудта израильшууд, санаартад, левидүүд, Һүмын албатад, мүн Соломооной зарасанууд – эдэнэр өөһэд өөһэдынгөө хотонуудта ажаһуугаа.)

4Иерусалимда ажаһуугшад гол түлэб Иудын ба Бэньямиинэй угуудай зон бэлэй.

Иудын угһаа: Пээрэцэй үри һадаһан, Уззияагай хүбүүн Атаяа; Уззияа Захарияагай, Захарияа Амарияагай, Амарияа Шэпаатияагай, Шэпаатияа Маһалалээлэй бэлэй; 5Шилооной үри һадаһан, Баруухай хүбүүн Маашэяа; Баруух Хол-Хозээгэй, Хол-Хозээ Хазаяагай, Хазаяа Адаяагай, Адаяа Ёяриибай, Ёярииб Захарияагай хүбүүн бэлэй. 6Пээрэцэй үри һадаһад болохо дүрбэн зуун жаран долоон сэрэгшэ Иерусалимда ажаһуудаг болоо һэн.

7Бэньямиинэй угһаа: Мэшуллаамай хүбүүн Саллуу; Мэшуллаам Ёһээдэй, Ёһээд Пэдаяагай, Пэдаяа Холайяагай, Холайяа Маашэяагай, Маашэяа Итиээлэй, Итиээл Ешайягай хүбүүн бэлэй. 8Мүн тэрэнтэй Габбай, Саллай гэгшэд. Бүхыдөө юһэн зуун хорин найман хүн. 9Зихриигэй хүбүүн Ёһээл тэдэнэй дарга байгаа, харин Һассэнуһаагай хүбүүн Иуда хотын даргын орлогшоор томилогдоо.

10Санаартад: Ёяриибай хүбүүн Едаяа, Яхиин, 11Бурханай гэрые эрхилэгшэ, Хилкияагай хүбүүн Сэраяа; Хилкияа Мэшуллаамай, Мэшуллаам Цадоогой, Цадоок Мэрайһоодой, Мэрайһоот Ахитуубай хүбүүн бэлэй; 12тэдэнэй түрэлнүүд, Һүмэ соо ажал бүтээгшэд, бултадаа найман зуун хорин хоёр хүн. Баһа Ероһаамай хүбүүн Адаяа; Ероһаам Пэлаалиин, Пэлаали Амциин, Амции Захарияагай, Захарияа Пашхуурай, Пашхуур Малхияагай хүбүүн бэлэй; 13тэрэнэй түрэлнүүд, угуудай удамаршад – бүхыдөө хоёр зуун дүшэн хоёр хүн. Баһа Азарээлэй хүбүүн Амашсай; Азарээл Ахзайн, Ахзай Мэшиллэмоодой, Мэшиллэмоот Иммээрэй хүбүүн бэлэй; 14тэрэнэй түрэлнүүд хүсэтэ сэрэгшэд – бүхыдөө зуун хорин найман хүн. Хаггэдолиимай хүбүүн Забдиһээл тэдэнэй дарга байгаа.

15Левидүүдһээ: Хашшуубай хүбүүн Шэмаяа; Хашшууб Азрикаамай, Азрикаам Хашаабияагай, Хашаабияа Бүнниигэй хүбүүн бэлэй; 16Бурханай гэрһээ газаа тээ ажал ябуулдаг левидүүдэй толгойлогшод Шэббэтай ба Ёзабаад; 17мүргэлэй магтаал дууладаг гол дуушан, Михаагай хүбүүн Маттаанияа; Михаа Забдиин, Забдии Асаапай хүбүүн бэлэй; хоёрдохи дуушан Бахбуугьяа; Шаммууһын хүбүүн Абдаа; Шаммууһа Галаалай, Галаал Едүтүүнэй хүбүүн бэлэй. 18Нангин хотодо бүхыдөө хоёр зуун наян дүрбэн левит тоологдоо.

19Үүдэнүүдэй харуулшад: Аххууб, Талмоон ба тэдэнэй түрэлнүүд – үүдэнүүдые харууһалагшад – бүхыдөө зуун далан хоёр хүн.

20Израильшуудай бусадынь, санаартад ба левидүүд Иудын бүхы хото һууринуудаар, угай хубинуудаар ажаһуугаа.

21Һүмын албатан Иерусалимай Оопэл гүбээ дээрэ ажаһуудаг һэн; тэдэниие Цихаа Гишпаа хоёр ударидадаг һэн.

22Иерусалимда левидүүдые Баниин хүбүүн Үззии ударидан толгойлдог һэн; Бании Хашаабияагай, Хашаабияа Маттаанияагай, Маттаанияа Михаагай бэлэй. Үззии Бурханай гэртэ мүргэл гүйсэдхэлгын түлөө харюусадаг дуушадай Асаап гэжэ угһаа гаралтай һэн. 23Эдэ уялганууд хаанаар томилогдоһон тула тусхай зарлигаар үдэр үдэрөөр заагданхай һэн. 24Иудын хүбүүн Зээрахай үри һадаһан, Мэшэзабээлэй хүбүүн Пэтаахияа манай арадай хэрэгүүдэй талаар хаанай туһалагша байгаа.

Израильшуудай Иерусалимһаа гадуур ажаһуудаг хото тосхонууд

25Иудын угай зоной һуудаг тосхонууд газар таряалангуудтаяа:

Кирьяат-Арбаа ба оршон тойронхи тосхонууд, Дибоон ба хажуудахи тосхонууд, Ехабцээл ба хажуудахи тосхонууд, 26Ешууһа, Моладаа, Бэт-Пээлэд, 27Хацаар-Шуһаал, Бэһээр-Шээбэ ба хажуудахи тосхонууд 28Циклааг, Мэхонаа ба хажуудахи тосхонууд, 29Эн-Римоон, Цораа, Ярмуут, 30Занаах, Адуллаам ба хажуудахи тосхонууд, Лахииш ба хажуудахи таряалангууд, Азэкаа ба хажуудахи тосхонууд. Хүнүүд Бэһээр-Шээбэһээ Һинноомой хүнды хүрэтэр түбхинэн ажаһуугаа.

31Бэньямиинэй угай хүнүүд Гээбэһээ эхилээд, иимэ нютагуудта ажаһуугаа:

Михмааш, Айяа, Бэт-Ээл ба хажуудахи тосхонууд, 32Анатоот, Нооб, Анаанияа, 33Хацоор, Рамаа, Гиттааһим, 34Хадиид, Цэбоһиим, Нэбаллаат, 35Лоод, Оноо ба Урашуулай гол.

36Иудын газар дээрэ ажаһууһан левидүүдэй зариманиинь Бэньямиинэй газарта түбхинэһэн түүхэтэй.