‏ Nehemiah 3

Иерусалимай ханануудые шэнээр бариһан зоной жагсаал

1Ахамад санаартан Элиашииб, мүн тэрэнэй түрэл болохо санаартад Хониной үүдэн гэжэ хаалга, шэбхэ хүшэлтэнүүдые заһабарилба, хаабаринуудыень үлгэбэ, арюудхабад. Тэдэнэр Зуутанай хэрэмһээ Хананээлэй хэрэм хүрэтэр арюудхабад.

2Ерихоондо ажаһуугшад саашань барибад, саашань Имриин хүбүүн Заххуур үргэлжэлүүлбэ.

3Сэнаагай угай хүнүүд Загаһанай үүдэ заһабарилба. Тэдэнэр можонуудыень бэхилээд, хаабари, хүшэлгэнүүдыень үлгэбэд.

4Саашадахи ханые Һаккооцой аша, Урияагай хүбүүн Мэрэмоот, тэрэнһээ саанахиие Мэшэзабээлэй аша, Бэрэхияагай хүбүүн Мэшуллаам, тэрэнэй саанахиие Баһанаагай хүбүүн Цадоок заһабарилба.

5Саашадахи ханые Тэкооһагай ажаһуугшад шэнэлбэд. Зүгөөр Тэкооһагай мэдээжэ хүнүүд өөрынгөө Эзэнэй туһада хүдэлхэ дурагүй байба.

6Хуушан үүдэ Пасээхэй хүбүүн Ёядаа ба Бэсодияагай хүбүүн Мэшуллаам гэгшэд заһаба. Тэдэнэр можонуудыень бүхэлөөд, шэбхэ хүшэлгэнүүдыень, хаабаринуудыень үлгэбэд.

7Евфратһаа баруулжаа газарай засаг баряашын мэдэлэй Гибэһоон, Мицпаа нютагуудай зон – Гибэһоон нютагай Мэлаатияа, Мэроноот нютагай Ядоон гэгшэд хэрэм хана саашань заһабарилбад.

8Тэдэнһээ саанахиие мүнгэшэ дархан Харһаяагай хүбүүн Уззиһээл, удаадахииень арюун үнэртэ уһа бэлдэгшэ Ханаанияа заһабарилба. Тэдэнэр Иерусалимые Үргэн хана хүрэтэр һэргээн бодхообо.

9Ханын саанадахиие Иерусалимай хахад можые толгойлогшо Хуурай хүбүүн Рэпаяа, 10саанахииень Харумаапай хүбүүн Едаяа (тэрэ өөрынгөө гэрэй урдахиие), үргэлжэлэлынь Хашабнэяагай хүбүүн Хаттууш һэльбэн заһабарилба.

11Ханын нүгөө талые, Пеэшэнэй самхагые Паһаат-Моһаабай хүбүүн Хашшууб, Хариимай хүбүүн Малхияа гэгшэд заһабарилба.

12Ханын үргэлжэлэлые Иерусалимай нүгөө хахад можые толгойлогшо Һаллоһээшэй хүбүүн Шаллуум өөрынгөө басагадтай хамта заһабарилба.

13Гол болон талын үүдые Хануун гэгшэ Занаах нютагай ажаһуугшад һэльбэн шэнэлбэ. Тэдэнэр үүдэнүүдые шэнээр баряад, хаабаринуудыень, шэбхэ, хүшэлтэнүүдыень үлгэбэ. Тэдэнэр мянган тохойн хэмжээнэй хана заһабарилжа, Шэбхэ шоройн үүдэн хүргэбэ. 14Шэбхэ шоройн үүдые Бэт-Һахээрэм гэжэ нютагые толгойлогшо, Рэхаабай хүбүүн Малхияа заһабарилба. Тэрэ үүдэ заһабарилжа, хаабаринуудыень, шэбхэ, хүшэлгэнүүдыень үлгэбэ. 15Мицпаа нютагые толгойлогшо, Хол-Хозээгэй хүбүүн Шаллуум Булагай үүдэ шэнэлбэ. Тэрэ үүдэ шэнэлээд, харшын үүдые пүмпэгэр маягтайгаар бүтээбэ, хаабаринуудыень, мүн шэбхэ, хүшэлгэнүүдыень үлгэбэ. Давидай хотоһоо доошолһон гэшхүүрһээ хаанай сэсэрлиг соохи Шээлах гэжэ сөөрэм хүрэтэр хана һэргээн заһабарилба.

16Тэрэнһээ саанахиие Бэт-Цуур гэжэ нютагай хахадыень толгойлогшо Азбуугай хүбүүн Нэхэмьяа заһабарилба. Тэрэ Давидые хүдөөлүүлһэн бунханай шанха урдаһаа эхилээд, хэмэл сөөрэм, Сэрэгшэдэй байшан хүрэтэрхи хана һэргээбэ.

17Саашанхи ханые левидүүд заһабарилба: Баниин хүбүүн Рэхүүм, үргэлжэлэлыень Кэилаа нютагай хахадыень толгойлогшо Хашаабияа (тэрэ өөрынгөө нютагай зүгһөө хүдэлөө) болоно.

18Үшөө үргэлжэлһэн ханые тэдэнэй түрэлнүүд заһабарилба. Мүн баһа тэндэ Кэилаа нютагай нүгөө хахадыень толгойлогшо Хэнадаадай хүбүүн Баввай хүдэлөө.

19Саашань Мицпаа нютагай толгойлогшо Иисүүсэй хүбүүн Ээзэр буландахи зэбсэг хадагалдаг байрын шанха урда үгсэһэн ханын нүгөө талые заһабарилба.

20Ханын хотирхой талые Заббайн хүбүүн Баруух ахамад санаарта Элиашиибай гэрэй үүдэн хүрэтэр үргэлжэлүүлэн бариба.

21Элиашиибай гэрэй үүдэнһээ эхилээд, гэрэй заха болотор ханын нүгөө талые Һаккооцой аша, Урияагай хүбүүн Мэрэмоот үргэлжэлүүлбэ.

22Ханын үргэжэлэлые ойро тойрын санаартад шэнэлбэ, 23саашань Бэньямиин ба Хашшууб өөһэдынгөө гэрэй шанха урдахиие, саашань Анаанияагай аша, Маашэяагай хүбүүн Азаарияа өөрынгөө гэрэй хажуудахиие.

24Азаарияагай гэрһээ булан, ханын хотирхой хүрэтэрхиие Хэнадаадай хүбүүн Биннуй заһабарилба. 25Харуулшадай байрын хажуудахи Хаанэт дээдэ ордоной Үндэр самхагай шанха урдахи булан болотор Узайн хүбүүн Палаал үргэлжэлүүлбэ.

Саашань Пароошой хүбүүн Пэдаяа, 26ба Оопэл гүбээ дээрэ ажаһуудаг Һүмын албатан үргэлжэлүүлбэ. Тэдэнэр Үндэр самхагай ба зүүн зүгтэхи Уһашанай үүдэн хүрэтэрхи ханые һэльбэн шэнэлбэд.

27Үндэр ехэ самхагай нүгөө талаһаа эхилээд Оопэл гүбээ тойроһон ханые Тэкооһада ажаһуугшад үргэлжэлүүлэн заһабарилба.

28Мориной үүдэнэй талын ханые санаартад байдаг гэрэйнгээ шанха урдахиие заһабарилбад.

29Тэндэһээ саашанхиие Иммээрэй хүбүүн Цадоок (гэрэйнгээ шанха урдахиие) заһабарилба, саашань Зүүн талын үүдэнэй харуулшан Шэханьяагай хүбүүн Шэмаяа үргэлжэлүүлбэ.

30Ханын нүгөө талые Цалаапай зургаадахи хүбүүн Хануун ба Шэлээмияагай хүбүүн Ханаанияа үргэлжэлүүлбэ.

Ханын саашанхи үргэлжэлэлые Бэрэхияагай хүбүүн Мэшуллаам байрынгаа урдахиие заһабарилба, 31Алташа дархан Малхияа Суглаанай үүдэнэй шанха урдахи Һүмын албатанай болон наймаашадай гэр, мүн булангай талмай хүрэтэрхиие заһабарилба. 32Булангай талмайһаа эхилээд Хониной үүдэн хүрэтэрхи ханые алташа дархашуул ба наймаашад шэнэлэн заһабарилба.