‏ Nehemiah 7

1Хотын ханануудай һэргээн бодхоогдоходо, би үүдэнүүдэй хаабаринуудые үлгүүлбэб, үүдэнүүдэй харуулшадые, дуушадые, левидүүдые томилбоб. 2Иерусалимые зонхилхо хэрэг хоёр хүндэ даалгабаб: өөрынгөө дүү Ханаанида, хэрэмэй дарга Ханаанияада (тэрэ ехэ найдамтай, һүзэгтэй, энээн шэнги хүн тон үсөөн бэлэй).

3Би тэдээндэ иигэжэ хэлэбэб:

– Үдын халуунай үедэ Иерусалимай үүдэнүүдые нээлтэтэй орхижо болохогүй. Харуулшад харуулда гаратараа үүдэнүүдые хаалгатай, шэбхэдээтэй байлгаг. Иерусалимда ажаһуудаг хүнүүдһээ харуулшад томилогдохо ёһотой, хүн бүхэниинь харуулда, өөһэдынгөө гэрнүүдэй хажууда хаража байг. 4Тэрэ үедэ хото үргэн, ехэшье, зүгөөр тэндэ хүн зониинь үсөөн, гэрнүүдэй диилэнхынь үшөө заһабарилагдаагүй байгаа.

Иерусалимда түрүүн бусажа ерэһэн зоной нэрын жагсаал

5Минии Бурханай намда мэдүүлһэн хүсэл бодолые бэелдүүлэн, би уг гарбалыень тогтоохын тула ноёд һайдые, дарганарые, бүхы хүн зониие суглуулбаб.

Би нютагаа түрүүлэн бусажа ерэгшэдэй угайнь бэшэгүүдые олобоб. Тэндэ иигэжэ бэшээтэй байба:

6– 7«Вавилооной хаан Навуходоносорто дайгаар абтажа, хүсөөр Вавилоон абаашагдаад, тэндэһээ Зэрубабээлтэй, Иисүүстэй, Нэхэмьяатай, Азаарияатай, Раамияатай, Нахамаанитай, Мордохайтай, Билшаантай, Миспээрэдтэй, Бигбайтай, Нэхүүмтэй, Баһанаатай хамта Иуда, Иерусалим болон өөр өөрынгөө хотонуудта бусажа ерэһэн израильшуудай нэрын жагсаал иимэ: 8Пароошой уг – хоёр мянган зуун далан хоёр хүн, 9Шэпаатияагай уг – гурбан зуун далан хоёр, 10Араахай уг – зургаан зуун табин хоёр, 11Паһаат-Моһаабай уг (Иисүүсэй, Ёһаабай үри һадаһад) – хоёр мянган найман зуун арбан найман, 12Элаамай уг – нэгэ мянган табан зуун дүрбэн, 13Заттуугай уг – найман зуун дүшэн табан, 14Заххайн уг – долоон зуун жаран, 15Биннуйн уг – зургаан зуун дүшэн найман, 16Бэбэйн уг – зургаан зуун хорин найман, 17Азгаадай уг – хоёр мянган гурбан зуун хорин хоёр, 18Адонихаамай уг – зургаан зуун жаран долоон, 19Бигбайн уг – хоёр мянган жаран долоон, 20Адиинай уг – зургаан зуун табин табан, 21Этээрэй уг (Хэзэкияагай үри һадаһад) – ерэн найман, 22Хашуумай уг – гурбан зуун хорин найман, 23Бэцайн уг – гурбан зуун хорин дүрбэн, 24Хариипай уг – зуун арбан хоёр, 25Гибэһооной уг – ерэн табан, 26Бэтлэһээмһээ, Нэтопааһаа гараашад – зуун наян найман, 27Анатоодһоо гараашад – зуун хорин найма, 28Бэт-Азмаабэдһээ гараашад – дүшэн хоёр, 29Кирьяат-Еариимһээ, Хэпирааһаа, Бээроодһоо гараашад – долоон зуун дүшэн гурбан, 30Рамааһаа, Гээбэһээ гараашад – зургаан зуун хорин нэгэн, 31Михмаашһаа гараашад – зуун хорин хоёр, 32Бэт-Ээлһээ, Һайһаа гараашад – зуун хорин гурбан, 33Нэбооһоо гараашад – табин хоёр, 34ондоо Элаамай уг – нэгэ мянган хоёр зуун табин дүрбэ, 35Хариимай уг – гурбан зуун хорин, 36Ерихооной уг – гурбан зуун дүшэн таба, 37Лоодой, Хадиидай, Оноогой уг – долоон зуун хорин нэгэн, 38Сэнаагай уг – гурбан мянган юһэн зуун гушан.

39Санаартад: Едаяагай уг (Иисүүсэй үри һадаһад) – юһэн зуун далан гурбан, 40Иммээрэй уг – нэгэ мянган табин хоёр, 41Пашхуурай уг – нэгэ мянган хоёр зуун дүшэн долоон, 42Хариимай уг – нэгэ мянган арбан долоон.

43Левидүүд: Иисүүсэй уг (Һодэбаагай угай, Кадмиһээлэй үри һадаһад) – далан дүрбэн хүн. 44Дуушад: Асаапай уг – зуун дүшэн найман хүн.

45Үүдэнэй харуулшад: Шаллуумай уг, Этээрэй уг, Талмооной уг, Аххуубай уг, Хатиитаагай уг, Шобайн уг – зуун гушан найман хүн.

46Һүмын зарасанар: Цихаагай уг, Хасупаагай уг, Таббаһоотын уг, 47Хэрээсэй уг, Сиһаагай уг, Падооной уг, 48Лэбаанай уг, Хагабаагай уг, Шалмайн уг, 49Ханаһаанай уг, Гиддээлэй уг, Гаахарай уг, 50Раһаяагай уг, Рэциинэй уг, Нэходаагай уг, 51Газзаамай уг, Уззаагай уг, Пасээхэй уг, 52Бэсайн уг, мэүүншүүдэй уг, нэписиимүүдэй уг, 53Бахбуугай уг, Хакупаагай уг, Хархуурай уг, 54Бацлиидэй уг, Мэхидаагай уг, Харшаагай уг, 55Бархоосой уг, Сисэраагай уг, Тээмаагай уг, 56Нэциһаагай уг, Хатипаагай уг.

57Соломооной богоолнуудай уг: Сотайн уг, Сопээрэдэй уг, Пэридаагай уг, 58Яалаагай уг, Дархооной уг, Гиддээлэй уг, 59Шэпаатияагай уг, Хаттиилэй уг, Похээрэт-Һаццэбаһиимэй уг, Аммооной уг.

60Һүмын албатан, Соломооной богоолнуудай үри һадаһад – бүхыдөө гурбан зуун ерэн хоёр хүн.

61Тээл-Мээлаа, Тээл-Харшаа, Хэрүүб, Аддоон, Иммээр хотонуудһаа гараһан аад, Израильһаа гараһан уг гарбалаа гэршэлжэ шадаагүй хүнүүд гэбэл, 62Дэлайяагай уг, Тобияагай уг, Нэходаагай уг – зургаан зуун дүшэн хоёр хүн.

63Тэдэнһээ гадна санаартадһаа гэбэл: Хабайяагай уг, Һаккооцой уг, мүн Барзиллайн уг. Барзиллай бол Галаад нютагай Барзиллайн басагадай нэгые һамган болгоод, нэрэдэнь ороһон түүхэтэй. 64Тэдэнэр угай бэшэгүүдые бэдэрээд, тэдээн соо өөһэд тухайгаа тэмдэглэл олобогүй, тиигээд тэдэниие санаартадай хэргэмһээ хаһаба. 65Санаартанай урим ба туммим дээрэ үзэл үзэжэ, Бурханай хүсэл мэдэхын урда тэдэнэр нангин үргэлһөө эдихэ эрхэгүй гээд засаг баряаша хэлэбэ.

66Энэ бүлэгтэ бүхыдөө дүшэн хоёр мянга гурбан зуун жаран хүн гээд тоологдоно, 67богоолнууд, шэбэгшэнүүдгүйгөөр, – тэдэнэй тоо долоон мянга гурбан зуун гушан долоондо хүрөө, үшөө тиихэдэ хоёр зуун дүшэн табан дууша эрэшүүл болон эхэнэрнүүд, 68долоон зуун гушан зургаан морин, хоёр зуун дүшэн табан луус, 69дүрбэн зуун гушан табан тэмээн, зургаа мянга долоон зуун хорин элжэгэн тоологдоһон байна.

70Угуудай гулбаанарай зариман Һүмэ һэргээн бодхоолгодо үргэл үргэбэ: засаг баригша – нэгэ мянган драахма алта, табин аяга, табан зуун гушан санаартанай хубсаһа хунар; 71угуудай гулбаанарай зариман – хорин мянган драахма алта, хоёр мянган хоёр зуун миинэ сагаан мүнгэ. 72Бусад арад түмэн – хорин мянган драахма алта, хоёр мянган миинэ сагаан мүнгэ, санаартадай үмдэхэ жаран долоон хубсаһа хунар үргэбэ.

73Санаартад, левидүүд, үүдэнэй харуулшад, дуушад, хара зон, һүмын зарасанар гэхэшэлэн бүхы израильшууд өөһэд өөһэдынгөө хотонуудта ажаһуудаг болобо».