Neh 8 | BxrBBL2024 | STEP | Долоодохи һара эхилбэ. Израильшууд өөһэдынгөө хотонуудта ажаһуужа байгаа. Долоодохи һара гараба. Израильшууд өөр өөрын нютагуудаар ажаһуужа байгаа. Арад зон Уһашанай үүдэнэй талмай дээрэ нэгэ хүн шэнгеэр сугларбад. Эзэнэй Израильда заабарилһан Моисейн Хуули бэшээтэй хуйламал бэшэг асархыень Эзраае гуйбад.

‏ Nehemiah 8

Эзраа арад зондо Моисейн Хуули уншана

1 Долоодохи һара эхилбэ. Израильшууд өөһэдынгөө хотонуудта ажаһуужа байгаа. Долоодохи һара гараба. Израильшууд өөр өөрын нютагуудаар ажаһуужа байгаа. Арад зон Уһашанай үүдэнэй талмай дээрэ нэгэ хүн шэнгеэр сугларбад. Эзэнэй Израильда заабарилһан Моисейн Хуули бэшээтэй хуйламал бэшэг асархыень Эзраае гуйбад.

2 Эзраа санаартан Хуулита хуйламал бэшэг долоодохи һарын ^{▼▼ Тишри һара – сентябрь-октябрь.} түрүүшын үдэр суглаанда хабаадаһан, ойлгохо шадалтай эрэшүүлэй болон эхэнэрнүүдэй үзэмжэдэ гаргаба. 3 Уһашанай үүдэнэй урдахи талмай дээрэ сугларһан ойлгохо шадалтай эрэшүүлэй, эхэнэрнүүдэй урда Эзраа үүр сайхаһаа эхилээд, үдэ болотор хуйламал бэшэг уншаба. Арад зон шэхээ табин шагнаба. 4 Хуули заадаг багша Эзраа энэ хэрэгтэ гэжэ зорюулагдаһан тусхай түхеэрэгдэһэн аранга дээрэ байба, тэрэнэй баруун гарай талада Маттиитияа, Шэмаа, Анаяа, Урияа, Хилхияа ба Маашэяа, харин зүүн таладань Пэдаяа, Мишаһээл, Малхияа, Хашуум, Хашбадаана, Захарияа ба Мэшуллаам байбад. 5 Эзраагай бултанһаа дээрэ зогсоод, арад зоной урда хуйламал бэшэг дэлгэхэдэ, бүхыдөө зогсон бодобо. 6 Эзраа Эзэндэ, агуу Бурханда, мүргэбэ, тиихэдэнь бүхы арад гараа дээрэ үргэн иигэжэ харюусабад: «Болтогой, болтогой!» Эзэндээ бултадаа доро дохин, нюураараа газар мүргэн унабад. 7 Иисүүс, Бании, Шэрээбияа, Ямиин, Аххууб, Шэббэтай, Һодьяа, Маашэяа, Кэлитаа, Азаарияа, Ёзабаад, Ханаһаан, Пэлаяа ба левидүүд талмай дээрэ байһан арад зондо Хуули тайлбарилба. 8 Тэдэнэр хуйламал бэшэг соохи Бурханай Хуули уншажа, удхыень тайлбарилан ойлгуулбад.

9 Арад зондо заабарилагшад Нэхэмьяа – засаглагша, санаартан ба Хуули заадаг багша Эзраа, мүн левидүүд бүхы зондоо иигэжэ хэлэбэд:

– Энэ үдэр болбол манай Эзэн Бурханай үдэр. Бү гашуудагты, бү орилогты! (Хуулиин үгэнүүдые шагнажа байхадаа бултадаа бархиралдажа байгаа.)

10 Тэрэ арад зондо иигэжэ хэлэбэ:

– Гэртээ харижа, эрхим эдеэ хоол эдигты, үзэмэй дараһан архинһаа хүртэгты, тиигээд үгытэй зондо хүндэһөө хубаалдагты. Энэ үдэр манай Эзэнэй нангин үдэр. Бү гашуудагты: Бурханай баяр таанарта шадал нэмээхэ.

11 Левидүүд арад зоной һанаа бодолые амаруулан, иигэжэ хэлэбэд:

– Аргаарагты! Нангин энэ үдэр гашуудажа болохогүйл.

12 Арад зон гэр гэртээ хариба. Хүн зон хүхилдэжэ, байһанаараа зонтой хубаалдажа, булта амтатай эдеэ эдибэд, уубад. Иигэжэ шагнаһан дуулаһанаа ойлгожо абаба!

Отог майхангуудай һайндэр

13 Хоёрдохи үдэр бүхы угуудай гулбаанар, санаартад болон левидүүд Хуули үзэхэеэ Хуули заадаг багша Эзраада сугларба. 14 Тэдэнэр Хуули дотор Эзэнэй Моисейгээр дамжуулһан тэмдэглэл олобо, израильшууд долоодохи һарын һайндэрые тусхайгаар бодхооһон һарабша доро үнгэргэхэ ёһотой гээд байба, 15 тэдэнэр өөһэдынгөө бүхы хотонуудта, Иерусалимда иигэжэ дуулган мэдээсэхэ: «Гүбээ, үндэр добо дээрэһээ таримал, мүн зэрлиг оливын, мииртын, паальмын, мүн бэшэшье набшаһата модонуудай мүшэрнүүдые асараад, эндэ заагдаһанай ёһоор һарабшануудые түхеэрхэ ёһотойт».

16 Хүн зон ошожо, мүшэрнүүдые асараад, Бурханай гэрэй хорёо соо, Эпрааимай үүдэнүүдэй, Уһашанай үүдэнэй талмайнууд дээрэ, мүн хүн бүхэн гэр дээрээ, газаагаа һарабшануудые түхеэрбэд. 17 Баряанһаа бусаһан бүлэг хүнүүд бултадаа өөр өөртөө һарабшануудые түхеэрээд, тэрээн дороо һуубад. Израильшууд Нүүнэй хүбүүн Иисүүсһээ хойшо энэ үдэр болотор иимэ һарабшануудые бүтөөгөөгүй байба. Баярынь билтаржа байба. 18 Бурханай энэ Хуулита хуйламал бэшэгһээ хэһэг үдэр бүри, үдэрһөө үдэртэ уншагдадаг болобо. Энэ һайндэр долоон хоног соо болодог, харин наймадахи үдэрынь хуулита гуримай ёһоор эндэ баярай суглаан үнгэрдэг байба.